Турмушка чыккандан бери тартынчаак, коркок болуп баратам. Эмнеге мындай?

2020.09.27, 17:03
1054

Саламатсызбы. Менин суроомо да жооп алып бериңизчи сураныч? Турмушка чыкканыма үч жыл болду. Кыз кезимде аябай тың, аракетчил кыз элем. Эмнедегдир турмушка чыккандан кийин тартынчаак, өзүмө ишенбеген, коркок болуп баратам.

Адамдар менен баарлашуудан качам. Туура эмес айтып алсамчы, деп сөз сүйлөгөндөн корком. Чүнчүп кеттимби билбейм. Мага башка адамдар мени теңине албай жаткандай сезиле берет.

Жашоом кудайга шүгүр, күйөөм урбайт, ашыкча урушпайт.

Ушул темпте кете берсем артта калып каламбы деп корком. Эмне кылышым керек?

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
27.09.2020, 17:03

Асель Баимбетова

Психолог

Саламатчылык. Турмушка чыккандан бери үй-бүлөдө бардыгы сиз күткөндөй болуп жатабы? Балким, сиз көп нерсени үмүтөтүп алгансыз, анан жаңы бир шартка көнүп жашоого аргасыз болуп жатасыз, ошондон улам жан дүйнөңүздө дискомфорт жаралууда.

Балким бала кезиңизден жакшы кыз болууга үйрөтүлгөнсүз. Эми чоң жашоодо да ата-энеңизге окшоп бирөо жарым кандайдыр бир багыт көрсөтүп беришин күтүп жатасыз.

А балким жаңы ролго, жаңы милдеттерге көнө албай кыйналуудасыз.

Жашоо өзгөрдү, сиздин статус да эми башка. Мурунку ой жүгүртүү, мурункудай жүрүм-турум азыркы шартка ылайк келбей жатат. Турмушка чыга элек кыз менен үй-бүлөлү аялдын ролдорун айырмалай албай жатсаңыз керек.

Сиз өзүңүздү, өзүңүздүн жаңы статусуңузду кабыл алгандан кийин гана өзөгүңүздү таап мындан ары кайсы багытта жүрүп отурам, кантип өнүгөм – деген суроолоруңузга жооп таба аласыз.

Буларды мен болжолдоп гана айттым. Өзүңдү жакшыраак түшүнүү үчүн психологдон консультация алуу зарыл. Мүмкүнчүлүгүңуз болс кайрылып көрүңүз.

Бактылуу болуңуз!

Психолог Асель Баимбетова менен инстаграмдагы @psihologiya_kg баракчасы аркылуу байланышсаңыз болот.

Башкы беттеги сүрөт интернеттен алынды.

Үй-бүлөлүк мамилелер тууралуу бул жерден дагы окусаңыз болот:

Менин көңүлүмдү калтырса мейли го, балдар чоңоюп соз түшүнүп калышты

Кайын энем ооруп калсам эле уруш чыгаргысы келе берет. Эмнеге мындай?

Бөлүнөлү десем, кайын энем ынабай жатат. Эмне кылышым керек?

Ата-энем медреседе окушумду каалашат, а мен экономист болгум келет

Ажыраша турганыбызды балдарыбызга кантип айтбыз? Психологдун кеңеши

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт