Аялымдын менден башка дагы күйөөсү бар экен деп ойлогом

2021.04.19, 14:45
6393

Bilesinbi.kg окурмандарынын баштан өткөргөн ар түрдүү окуялары менен бөлүшүп келет. Бул ирет бир күйөөнүн катын жарыялайбыз. Эгер сизде дагы кызыктуу баян бар болсо, бизге жөнөтүңүз.

Мен кинодогудай бир окуяга туш болгом. Азыр эстеп каткырам. Ошол убакта үйгө жеткиче шашкам. Анда, силер дагы окуп, бир күлүп алгыла.

Командировкага шаарга кеткем. Ал жакта бир айдай болдум окшойт. Азыркыдай кол телефон жок. Почтага барып, үйгө чалып кабар алам. Аялым жаңы эле төрөгөн болчу. Балам экөөнө кабатыр болуп, тиги жарып берип кеткен отундарым жетет бекен деп уктабай чыгам. Айылга жөнөй турган кишилерди издеп, тапкан тыйындарымды берип жиберем.

Ал убакта автобустар каттайт эле. Түнкүсүн жолго чыктым. Ичи толтура эл. Артта бир орун бош экен. Барып отурдум. Бир жигит уктап келатыптыр. Отурсам ойгоно калды. Учураштык. Жолду кыскартып сүйлөшө кеттик.

- Кайда баратасың?

- Командировкам бүтүм айылдагы келинчегиме жөнөдүм.

- Аа жакшы. Мен дагы айылдагы сүйгөнүмө баратам.

- Сүйгөнүм дейсиңби?

- Ооба, жакында үйлөнөбүз. Баласын өз баламдай кабыл алам. Мен аны ушунчалык жакшы көрөм.

- Баласы барбы?

- Ооба, ажырашкан. Мен өзүм аны баркына жеткенге аракет кылам. Айдайымды сүйөм.

- Айдай? Менин келинчегимдин аты дагы Айдай.

- Меники мугалим болуп иштейт. Сеникичи?

- Мугалим болчу. Азыр үйдө бала менен.

- Экөөбүз бир ай мурун таанышканбыз. Кой тиги дүкөндөн түшүп, Айдайыма таттуу алып алайын. Макул.

- Макул.

Ишенгим келген жок. Бирок, менин келинчегим болуп калсачы деген ойлор келе баштады. Кызгандым. Ыйлагым келип үйгө жеткиче шаштым. Келсем, бешиктеги балам менен келинчегим уктап жатыптыр. Ох, дедим дагы сыртка чыктым. Дарбазаны кулптабай чуркап кирдим эле. Көчөдөн тиги жүргүнчү өтүп баратат.

- Сен бул үйдө жашайсыңбы?

- Ооба.

- Менин сүйгөнүм тиги ылдыйдагы айылда. Дагы көп басам. Макул.

- Макул.

Эшикти жаап алып каткырып кирдим. Эртең менен аялыма айтсам анын дагы боору эзилди.

Азыр үч баланын ата-энесибиз. Командировкага кетип баратканда аялым өткөндү эстетип тамашалап калат. Мен дагы тамашалап, азыр антип шашып келбейм деп коем. Бултуңдап чыгат. Бетинен өбөм. Заматта таарынычы тарайт. Айдайым менин.  

Башкы беттеги илюстративдүү сүрөт.

Бул жерден башка кызыктуу макалаларды окусаңыз болот:

Жигитимдин бул сөзү үчүн тоюбузду токтотуп, чакырууларды кайтарып алдык

Күйөөмөн ичимди бекитип жүрүп үч бала төрөп алдым

Үйгө келсем атам менен келиним отуруп алып бокс көрүп жатыптыр

Үйлөнгөн досумду куттуктап барсам, көшөгөдө келинчегим отуруптур

376 тууганымдан көрбөгөн жакшылыкты делдең кулак кошунамдан таптым

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт