Боюмда бар, эзме курутту аябай ичип жатам, баланын ден соолугуна зыян эмеспи?
Саламатсызбы. Гинекологдон кеңеш сурайын дегем. Боюмда бар, беш жума болуп калды. Тамакка такыр табитим жок, жалаң эзме курут ичип жатам. Күнүнө 250-500 граммга чейин. Албетте, башка витаминдерди да кабыл алам.
Сурайын дегеним, эзме курут иче берсе баланын ден соолугуна зыян эмеспи, терс таасири болбойбу?
Жамиля Сагинова
Гинеколог-эндокринолог
Саламатчылык. Кош бойлуулуктун алгачкы үч айында туздуу тамакка талгак болуу көп эле айымдарда кездешет. Мында эч кандай коркунуч жок. Анткени бул көрүнүш орто эсеп менен 12 жумага чейин созулуп кийин токтойт.
Туздуу тамакты көп жегенде болгону анализдериңиз зааранын курамында туз көп, деп чыгышы мүмкүн. Андайга жеткирбеш үчүн көбүрөөк суу ичиңиз, күнүнө 2 литрге чейин. Колдон келсе куруттун бир күндүк көлөмүн 200 гр чейин чектеңиз.
Аман-эсен көз жарып алыңыз.
Гинеколог-эндокринолог Жамиля Сагинова менен инстаграмдагы @ginekolog_endokrinolog1 баракчасы аркылуу байланышсаңыз болот.
Башкы беттеги сүрөт интернеттен алынды.
Бул жерден адистин башка суроолорго берген жоопторун окусаңыз болот:
Боюмда бар, демим кысылып жатат, бул нормалдуубу же доктурга көрүнүшүм керекпи?
УЗИге түшсөм баланын башында суусу бар деди. Ал эмне дегенди билдирет?
Кош бойлуумун бирок кан кетип жатат. Доктурга кайрылсам боюмдан алып салбайбы?
Разрыв болгом, тиктирген жерим ажырап кетиптир, кайра тиктирсем болобу?
Уул төрөгөүм келет, кандай ыкмаларды кылсам болот? Гинеколог жооп берет