Презерватив менен кошулгандан цистит болушу мүмкүнбү? Гинеколог жооп берет
Саламатсызбы. Биз жубайым экөөбүз жаңы үйлөндүк. Азырынча балалуу болууну пландабай туралы, деп чечип, презерватив менен кошулуп жүрдүк. Кийин келинчегим цистит болуп калды. Беш ай ооруду, дарыланып бүтүп анализдерди тапшырды. Азыр буюрса жакшы.
Биз ойлоп жатабыз, презервативдин мөөнөтү өтүп кетиптир болчу, ошондон улам ооруп калган окшойт деп. Презерватив менен кошулгандан цистит болушу мүмкүнбү?
Жамиля Сагинова
Гинеколог-эндокринолог
Саламатчылык. Жок, презерватив циститттин пайда болушуна себепкер болушу мүмкүн эмес. Эгер анын сактоо мөөнөтү өтүп кетсе, ал түрдүү аллергиялык реакциялардын пайда болушуна алып келмек.
Ал эми цистит, суук тийүүдөн же инфекция (ичеги ооруларынын таякчасы) кирип кетүүдөн улам пайда болот. Келинчегиңиз жылуу жүрсүн.
Куш бооңор бек болсун! Ден соолугуңарга жоопкерчиликтүу мамиле кылыңыз!
Гинеколог-эндокринолог Жамиля Сагинова менен инстаграмдагы @ginekolog_endokrinolog1 баракчасы аркылуу байланышсаңыз болот.
Башкы беттеги сүрөт интернеттен алынды.
Бул жерден адистин башка суроолорго берген жоопторун окусаңыз болот:
Боюмда бар, демим кысылып жатат, бул нормалдуубу же доктурга көрүнүшүм керекпи?
УЗИге түшсөм баланын башында суусу бар деди. Ал эмне дегенди билдирет?
Кош бойлуумун бирок кан кетип жатат. Доктурга кайрылсам боюмдан алып салбайбы?
Разрыв болгом, тиктирген жерим ажырап кетиптир, кайра тиктирсем болобу?
Уул төрөгөүм келет, кандай ыкмаларды кылсам болот? Гинеколог жооп берет