Башка адамдар менен бир столдо отуруп тамактана албайм, шылтоо айтып туруп кетем
Саламатсызбы. Мен 16 жаштамын. 7-8 жашыман бери көпчүлүк менен тамактанганды жактырбайм, өз алдынча отургум келе берет. Себеби тамак ичкенде башкалардын ооздон чыккан үндөр кыжырымды келтирет, денем башкача болуп, ыйлагым келип кетет.
Андай кылбаганга аракет кылам, бирок такыр өзүмдү алаксыта албай койдум. Бир угулса, болду шылтоо айтып туруп кетем.
Эмнеге мындай? Бул адатым менен кантип күрөшсөм болот?
Карлыгаш Акимкулова
Психолог
Саламатчылык. Сиздин нерв системаңыз өтө жука окшойт. Балким, бала кезиңизде адамдардын тамактануусу, бир нерсени чайнап жутуусу терс эмоцияларга байланышып калган. Катуу коркуп калгансыз, же жагымсыз сезим менен ассоциацияланат.
Эгер бул жөн гана кыжырды келтирген көрүнүш болсо бир жөн, бирок сиздин денеңиз башкача болуп, ыйлагыңыз келет экен. Демек, сөзсүз психотерапевтке көрүнүп, текшерүүдөн өтүшүңүз керек.
Анткени жазгандарыңыздын негизинде гана жыйынтык чыгарып, бир беткей айтуу оор болуп турат.
Ден соолукта болуңуз.
Карлыгаш Акимкулова менен инстаграмдагы @psihoanaliz_kg баракчасы аркылуу байланышсаңыз болот.
Башкы беттеги сүрөт интернеттен алынды.
Балага тарбия берүү тууралуу кызыктуу макалаларды бул жактан окусаңыз болот:
Уулум атасынын жок экенин билбесе экен деп, каалаган оюнчугун алып берем
Үч жаштагы балам чочосун кармай берет, кантип койдурам? Психологдун кеңеши
Ата-энем мигрант, таежем жини келгенде мени себепсиз эле уруп салчу
Жерге жата калып ыйлаган балдарга кыжырым келчү, эми өзүмдүн балам так ошондой