17 жыл бирге жашаган күйөөм бир туугандарынын сөзүнөн чыга албай койду

2020.04.26, 16:37
1066

Сөз башынан болсун. Жолдошум экөөбүз 17 жыл бирге жашадык. Таарыныша кетип алты айдан бери эки жакта жүрөбүз. Ортодо бир эле кызыбыз бар, жакында 17ге чыгат.

Биздин жашообузга ата-энелерибиз кийлигишип коюшту. Айылда, кайын атамдын үйүндө турчубуз. Күйөөм чечкинсиз, ата-энесинин бир туугандарынын сөзүнөн чыга албайт. Алар жакында ага башка аял алып беребиз деп жатышыптыр.

Мен шаарга келип, жумушка кирип алгам, кызым мени менен. Күйөөм экөөбүз телефондон сүйлөшкөндө жакшынакай эле сүйлөшүп, кайра келчи, деп айтат, бирок келип алдыман өтүп, алып кетүүгө эрки жеткен жок.

Мен да болбой койдум. Өзүм кеткен жокмун, мени үйдөн кайын энем кууп чыккан. Бир жашап жүргөндө күйөөм башка аялдарга барып жүрдү, мага да колу тийчү, жөнү жок кызганчаак эле.

Кызым, атасын, чоң апа, чоң атасын жакшы көрөт. Ошентсе да, барбай эле коюңуз, кайра эле баякы күндөр, бакы жашоо башаталат, ошол сизге жагабы дейт. Бирок ошончо жыл бирге болуп, анан ажырашып кеткенибизге ичим күйүп жатат. Стресс болуп эмне кылышты билбей турам.  

Мага кеңеш бергилечи?

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
26.04.2020, 16:39

Асель Баимбетова

Психолог

Силер көп жыл бирге болдуңар. Ошого карабай кетип калганыңарга караганда олуттуу себеп болгон өңдөнөт. Сиз азыр өзүңүздү жоготуп, андан аркы жашооңуз кандай боло турганын элестете албай жатасыз. Белгисиздик, адамды кыжаалат кылып, жагымсыз ойлорго, сезимдерге түртөт.

Күйөөңүздөн дагы деле үмүтөтүп, анын биринчи кадам жасай турганын күтүп турган чакта жаңы жашоого ыкташып, жолун таап кетүү ого бетер оор болот. Сиз андан ата-энесине, бир туугандарына каршы чыгып, сизди келип алып кетээрин күтүп жүрөсүз. Тилекке каршы, сиз жазып жаткан фактылар тескерисин айтып жатат. Күйөөңүз үчүн ата-энеси жана биртуугандары биринчи орунда турат. Мындай позицияны эч качан өзгөртө албайсыз.

Бул кырдаалда сиз күйөөңүзгө жана кайын журтуңузга эч кандай таасир эте албайсыз. Алардын ой жүгүртүүсүн жана мамилесин өзгөртө албайсыз. Бирок сиз өзүңүздү, жеке жашооңузду өзгөртсөңүз болот.

Эки жолго түшкөнүңөрдү факт катары кабыл алыңыз дагы андан аркы жашооңузду улантыңыз. Жумушка кирип алыптырсыз, азаматсыз! Жаңы дос, курбу күтүңүз, китеп окугула, спорт менен машыккыла, алдыга пландарды куруп, аларды ишке ашыргыла.

Кандай эмоцияларга туш болсоңуз бардыгын чыгарууга өзүңүзгө уруксат бериңиз: ыйлаңыз, жиндениңиз, нааразы болуңуз, ачууланыңыз.

Бирок, бул сезимдерди кызыңыздан чыгарбаңыз. Аны атасына, чоң ата, чоң апасына каршы кайраштырбаңыз. Кызыңыздын психикасын бузбаңыз.

Сизге күч-кубат тилейм. Бактылуу болуңуз!

Психолог Асель Баимбетова менен инстаграмдагы @psihologiya_kg баракчасы аркылуу байланышсаңыз болот.

Башкы беттеги сүрөт интернеттен алынды.

Үй-бүлөлүк мамилелер тууралуу бул жерден дагы окусаңыз болот:

Менин көңүлүмдү калтырса мейли го, балдар чоңоюп соз түшүнүп калышты

Кайын энем ооруп калсам эле уруш чыгаргысы келе берет. Эмнеге мындай?

Бөлүнөлү десем, кайын энем ынабай жатат. Эмне кылышым керек?

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт