Стипендиялык программалар: Кытайга окууга кабыл алуу башталды

Кытай Эл Республикасы тарабынан Кыргыз Республикасынын жарандарына  2019-2020-окуу жылына бакалавр, магистратура, докторантура жана тил стажировкасына 14 мамлекеттик стипендия бөлүндү.

Бакалавр жана кытай тили стажировкасына катышуу үчүн төмөнкү документтерди тапшыруу зарыл:

1. Арыз;
2. Анкета;
3. Англис жана орус тилдеринде резюме;
4. Паспортунун көчүрмөсү;
5. Англис тилине которулган жана нотариалдык жактан күбөлөндүрүлгөн орто билим жөнүндө аттестаты же окуудагы жетишкендиги тууралуу табелдин көчүрмөсү;
6. Кытай тилин билүү деңгээлин тастыктаган (HSK) күбөлүк (милдеттүү түрдө);
7. Англис тилин билүү деңгээлин тастыктаган (TOEFL, IELTS) күбөлүк (милдеттүү эмес);
8. 3х4 өлчөмүндөгү 6 сүрөт;
9. Кытай Эл Республикасына кетип жаткандар үчүн медициналык маалымкат жана ВИЧ СПИД жоктугу жөнүндө күбөлүк (түп нускасы +  1 көчүрмө);
10. Окуу жайы тарабынан эки сунуш кат (англис тилинде);
11. Үй-бүлөнүн курамы жөнүндө маалымат.

Магистратура жана докторантура программаларына катышуу үчүн керектүү документтер тизмеги:

1. Арыз;
2. Анкета;
3. Англис жана орус тилдеринде резюме;
4. Паспортунун көчүрмөсү;
5. Англис тилине которулган жана нотариалдык жактан күбөлөндүрүлгөн диплому же окуудагы жетишкендиги тууралуу табелдин көчүрмөсү;
6. Кытай тилин билүү деңгээлин тастыктаган (HSK) күбөлүк (милдеттүү түрдө);
7. Англис тилин билүү деңгээлин тастыктаган (TOEFL, IELTS) күбөлүк (милдеттүү эмес);
8. 3х4 өлчөмүндөгү 6 сүрөт;
9. Кытай Эл Республикасына кетип жаткандар үчүн медициналык маалымкат жана ВИЧ СПИД жоктугу жөнүндө күбөлүк ( түп нускасы + 1 көчүрмө);
10. Окуу жайы тарабынан эки сунуш кат (англис тилинде);
11. Үй-бүлөнүн курамы жөнүндө маалымат;
12. Илимий изилдөө макалалардын көчүрмөсү (эгер болсо);

Кытай Эл Республикасынын жогорку окуу жайларына тандоо  2019-жылдын 4-5-мартта конкурстук негизинде өтөт.

Конкурска катышуу  боюнча критерийлер:

Арыз берген учурда конкурстук тандоонун катышуучулары:

• Бакалавр программасы боюнча – 18 жаштан 25 жашка чейин;
• Магистратура программасы боюнча - 35 жашка чейин;
• Докторанттар программасы боюнча - 40 жашка чейин;
• Кытай тил стажировкасы программасы боюнча – 18 жаштан жогору болушу керек.

Документтер 2019-жылдын 1-мартына (саат 17.00) чейин тапшырылышы зарыл!

Дареги: Кыргыз Республикасынын Билим берүү жана илим министрлиги, 220 кабинет

Маалымат үчүн байланыш телефону: 0 (312) 62 15 19.

Жүктөп алуу: Анкета.docx