Ички иштер министрлигинин сайтын анализдейбиз

2021.03.12, 15:29
344

Кыргызстанда кылмыштуулуктун деңгээли кандай? Сизди кармаса эмне кылуу керек? Ички иштер министрлигинин mvd.kg сайты жөнөкөй жарандарга эмнеси менен пайдалуу? Булардын баарын Kaktus.media анализдеп чыкты.

Ички иштер министрлигинин ишмердүүлүгү жөнүндө жарандарга кандай маалыматтар керек?

  • Бош орундар, сынактардын жарыясы.
  • Милиция кызматкерлеринин үстүнөн арыздарды кайда берүүгө болот?
  • Кантип адамды архивден тапса болот?
  • Кыргызстанда бар же жок экендигин текшерүү үчүн, адамды фамилиясы боюнча кантип тапса болот?
  • Участкалык милиция кызматкерлеринин так даректери жана жумушчу телефондору.
  • Соттолгондугу бар же жок экендигин онлайн кантип тапса болот?
  • Полиция бөлүмү тарабынан жүргүзүлгөн расмий иликтөөлөрдүн статистикасы жана макалалар.
  • Участкалык кызматкерлердин ыйгарым укуктары, укуктары жана милдеттери.
  • Кылмыштын мезгили, аймагы, району, кылмыштын түрү, иштин абалы боюнча статистикасы (канчасы тергелип жатат, канчасы жабык, канчасы ар бир ички иштер бөлүмү жана генерал боюнча сотко берилген).

Сайтта эмне бар?

Ички иштер министрлигинин негизги өзгөчөлүгү - ведомствонун мобилдик тиркемеси бар. Сайт жөнүндө айта турган болсок, сайттын негизги бетин жаңылыктар ээлейт. Министрлик жөнүндө бөлүмдөн Ички иштер министрлигинин түзүмү жана анын жетекчилиги жөнүндө маалыматты гана эмес, ченемдик укуктук базанын таблицасын тапса болот. Материал жарыяланган учурда, бул бөлүм иштебей турган, бирок мыйзамдар жана жоболор бар.

Ошондой эле, сайтта көптөгөн адамдарга керек болгон бош орундар жөнүндө бөлүм бар. Бирок, канчалык бат жаңыланып турары белгисиз.

2019-жылдан бери издөө бөлүмү дагы жаңыланган эмес.

Кызматтары бар бөлүм өзүнчө жайгаштырылганы ыңгайлуу. Бөлүмдөгү эки бөлүмчөлөр иштебейт - маалымат борбору жана полициянын уруксат кагазы. 

Мамлекеттик программалар жана коррупцияга каршы саясат бөлүмдөрү маалыматсыз жана кеңири аудитория үчүн кызыксыз. Тилекке каршы, үй-бүлөлүк зомбулуктан жапа чеккендерди коргоо ордери жөнүндө маалыматтарды камтыган гендердик саясат бөлүмү дагы туура эмес иштейт.

Башкы беттеги оң тилкеде сайттын бир нече бөлүмдөрүнө жана башка порталдарга шилтеме берилген. Эмне үчүн Ички иштер министрлигинин 2018-2020-жылдардагы ишине оң баа берүү керек экендиги түшүнүксүз. Бул сын-пикирде отчеттор жок.

Туристтик милиция бөлүмүндө эң пайдалуу нерсе  - бул байланыштар, ошондой эле туристтик милиция жөнүндө бир нече чет тилдерде маалыматтар.

Жашы жете элек өспүрүмдөрдү текшерүү бөлүмү ушундай эле визуалдаштыруу менен иштелип чыккан. Ал жердеги белгилей кетчү эң маанилүү нерсе ИДНдин ишин жөнгө салуучу укуктук актылардын тизмесинин гана бар экендиги. Бирок кимдир бирөө ИДНге туш болсо, анда ал үчүн бөлүм пайдасыз болот, анткени эч ким мыйзамдарды окубайт.

Дагы эки баннер пайдалуу эч нерсеси жок Түндүк порталына жана укуктук база жайгаштырылган Юстиция министрлигинин сайтына алып барат.

Жалпыга маалымдоо каражаттары үчүн басма сөз кызматынын байланыштары бар, Ички иштер министрлиги катышкан мамлекеттик программалар баяндалган. Кыргыз Республикасынын жана Бишкек шаарынын милиция кызматынын номерлери, соттолбогондугу тууралуу маалымкат алуунун байланыштары, ишеним телефондору бар. Милиция менен жана байланыш номерлери менен оңой байланышуу үчүн мобилдик тиркемени жүктөп алууга болот.

Сайтта эмне жетишпейт?

Ички иштер министрлигинин ишин талдоо үчүн заманбап пландар жана ушул пландардын аткарылышы жөнүндө отчеттор керек.

Жарандарга укуктук консультацияларды камтыган бөлүм, ошондой эле укук коргоо системасына туш болгондо, айталы белгилүү бир кырдаалда кандай иш-аракет кылышы керектиги тууралуу маалыматтар зарыл. 

Жалпыга маалымдоо каражаттарына, активисттерге, бейөкмөт уюмдарга, изилдөөчүлөргө болгон окуялардын статистикасы (адам өлтүрүү, уурулук, жол кырсыгы ж.б.), ошондой эле Ички иштер министрлигинин натыйжалуулугу - канча кылмышкер кармалгандыгы ж.б. жөнүндө маалыматтар зарыл. Берилген маалыматтар визуалдаштыруу мүмкүнчүлүгү менен сайтта көрсөтүлүшү керек, ошондой эле аларды машина окуй турган түрдө жүктөп алууга боло тургандай болушу кажет.

Ички иштер министрлигинин сайтынан дагы кандай маалыматтарды көргүңүз келерин комментарийлерге жазыңыз.

Материал ALDA - Европанын жергиликтүү демократия ассоциациясы жана Европа Бирлиги берген ресурстардын жардамы менен чыгарылды. Бул басылманын мазмунуна "ПроМедиа Плюс" компаниясы гана жооп берет жана ALDA же Европа Бирлигинин көз карашын чагылдырбайт.

Доступ к информации. Анализ сайта правительства

 

 

 

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт