Кыргызстандын экономикасы. Тиешелүү бөлүмдүн сайтында пайдалуу маалымат барбы?

2021.03.10, 10:19
340

Өкмөттүн жаңы түзүмүндө Экономика жана Финансы министрлиги бириккенине карабастан, сайттары ишин өз алдынча улантууда. Бүгүн mineconom.gov.kg сайтында кандай маалыматтар бар экенин анализдейбиз. 

Колдонуучуларды эмне кызыктырат?

  • Потенциалдуу экспортерлор үчүн маалымдамалар;
  • Ишмердүүлүктүн ар кандай түрлөрү боюнча лицензиялоо жана уруксат берүүчү документтер жөнүндө маалыматтар;
  • Импорттоочулар үчүн маалымат;
  • Тышкы экономикалык статистика, товарлардын көлөмү жана түрү боюнча ар кайсы өлкөлөр менен соода жүргүзүү жөнүндө маалыматтар;
  • Аймактар ​​боюнча экономикалык божомолдор;
  • Тышкы экономикалык көрсөткүчтөрдүн динамикасы;
  • Потенциалдуу инвесторлордун карап чыгуусу үчүн бизнес-пландары жана маалыматтары бар инвестициялык долбоорлор;
  • Бизнес үчүн жеңилдетилген долбоорлор.

Экономика министрлигинин iOS жана Android үчүн мобилдик тиркемеси бар.

Сайтта министрликтин түзүмү жана жетекчилиги жөнүндө маалыматтар бар. Макро көрсөткүчтөрү бар интерактивдүү таблица ай сайын жаңыланып туруучу башкы бетте көрсөтүлөт.

Ар бир индикаторду басып койсо болот, бирок ички беттеги борбордук блок кайрадан жаңылыктарга арналган, ал эми сол тилке инвесторлорго, изилдөөчүлөргө, журналисттерге, экономисттерге жана айрым жөнөкөй жарандарга керек болушу мүмкүн. Бирок анчейин ыңгайлуу эмес жана анча-мынча жаңыланып турат. "ИДПнын түзүмү" таблицасында ИДПнын 2019-жылга карата начар окула турган сүрөтү жүктөлгөн, "Божолдор" бөлүмүндө таблица жылдырылбайт, "Социалдык-экономикалык өнүгүү" таблицасында 2021-жылдын маалыматтар эң төмөн жагында жайгашкан, ошол жерге жүктөлгөн отчеттор Улуттук статистикалык комитеттин сайтында дагы бар.

Ченемдик укуктук актылар бөлүмүндө учурдагы жана талкууланып жаткандар актыларды таба аласыз. Документтерди жүктөп алса болот.

Изилдөө бөлүмү бир жылдан бери жаңыланган эмес (антикоррупциялык иш-аракеттер жөнүндө отчеттор).

Тендерлер, курстар жана сынактар ​​жөнүндө маалымат жарыяланган "Кулактандыруу" бөлүмү бар. Бош орундар, министрликтин байланыштары жөнүндө маалыматтарды дагы таба аласыз. Коомдук кеңешке өзүнчө бөлүм арналган. 

Башкы бетте, графиктердин астында, бөлүмдөрү менен дагы бир блок бар. Санариптештирүү жөнүндөгүсү анчалык маалыматтуу эмес. Айрым жаңылыктар 2019-жылдан бери жаңылана элек.

Ошол эле жерде соодага көмөктөшүү боюнча кеңештин бөлүмү бар, бирок соодадагы жол-жоболорду кантип жөнөкөйлөтүү керектигин жана бул үчүн атайын эмне жасалып жаткандыгын түшүнбөгөн ишкерлер үчүн анчалык деле пайдалуу эмес.

Салыкты тактоо бөлүмү дагы анчалык жөнөкөй эмес. Бөлүмдү басканда, ачкыч издөө барагы ачылат. Бирок система натыйжа бериши үчүн эмне жазыш керек экени белгисиз.

Эгер  Жашыл экономика жаатында бизнес түзүүнү чечсеңиз, анда сайттан пайдалуу маалымат алуу да кыйынга турат, анткени "Жашыл экономика" бөлүмүндө ар кандай бөлүмдөр катышкан иш-аракеттер планы жайгатырылган.

Сайтка эмне жетишпейт?

Сайтка кандай маалыматты жайгаштыруу керектигин аныктоо үчүн, адегенде сайттын максаттуу аудиториясы ким экендигин түшүнүү керек. Эгерде, жок дегенде,төрт негизги нерсени - мамлекеттик кызматкерлерди, ишкерлерди, изилдөөчүлөрдү (эксперттер, ЖМКлар ж.б.) жана жалпы коомчулукту бөлүп көрсөтсөк, анда маалымат негизинен мамлекеттик кызматкерлерге арналган.

Калктын, активисттердин, бейөкмөт уюмдардын жана жалпыга маалымдоо каражаттарынын негизги бөлүгү негизги экономикалык көрсөткүчтөр жөнүндө акыркы айлардагы гана эмес, ошондой эле бир нече жылдардагы маалыматтарга муктаж.

Ошондой эле ИДПнын өсүшү, инфляция жана башка макроэкономикалык көрсөткүчтөрдүн божомолдору,  министрликтин пландары боюнча бөлүм менен активдүү иштөө керек. "Стратегиялык пландаштыруу" бөлүмүндө маалыматтын түзүмү жок. Негизги божомолдорду жеткиликтүү жерге бекитүү керек.

Инвесторлор жана ишкерлер үчүн пайдалуу маалыматтар аз, же ыңгайсыз структуралаштырылган. Демек, ченемдик укуктук базаны, статистиканы, онлайн кызматтарды, божомолдорду жана айрым сунуштарды бириктирип, өзүнчө ыңгайлуу бөлүмдү бөлүп көрсөтүү керек. Карапайым калк дагы, ишкерлер дагы өкмөттөн кризистен чыгуу боюнча чараларды күтүп жаткандыгын эске алганда, сайт пландар жөнүндө структуралаштырылган маалыматка жана алардын аткарылышы боюнча отчетторго муктаж.

Экономика жана Финансы министрлигинин сайтынан дагы кандай маалыматтарды көргүңүз келерин комментарийлерге жазыңыз.

Материал ALDA - Европанын жергиликтүү демократия ассоциациясы жана Европа Бирлиги берген ресурстардын жардамы менен чыгарылды. Бул басылманын мазмунуна "ПроМедиа Плюс" компаниясы гана жооп берет жана ALDA же Европа Бирлигинин көз карашын чагылдырбайт.

Доступ к информации. Анализ сайта правительства

 

 

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт