Мен үчүн туздалган бадыраң издеп жанын тобокелге салган кайниме ыраазымын

2021.02.05, 15:19
3654

Bilesinbi.kg окурмандарынын баштан өткөргөн ар түрдүү окуялары менен бөлүшүп келет. Бул ирет бир айымдын катын жарыялайбыз. Эгер сизде дагы кызыктуу баян бар болсо, бизге жөнөтүңүз.

Бул чындык. Ойдон чыгарылган жомок деп ойлобогула. Анда эмесе кеп башынан болсун.

Окуя 2010-жылдын июнь коогалаңында болгон. Турмушка жаңы чыккан кезим. Көп өтпөй жакында ата-эне болорубузду билдик. Токсикозум катуу болду. Өзгөчө ачуу нерселерди жегим келет эле.  

10-июндан 11ине өткөн түн. Баарыбыз бейкапар уйкуда жатканбыз. Түнкү саат 01:00до кайним чуркап келип, “тургула, сыртта тополоң болуп жатат”,-деп ойгото баштады. Бирок, эмнегедир анчейин көңүлүбүзгө алган жокпуз. “Аа, макул” деген бойдон кайра уйкуга кирип кеттик.

Эртең менен кадимки будильник эмес, автоматтын үнү менен ойгондук. Сырттан согуш тааласындагыдай атыштар угулат. Ошондо, июнь коогалаңы башталган экен.

Кайним анда студент эле. Медициналык институтта окуйт. Тапшыргандан бери биздин колубузда. Мыкты жигит.

Андан кийин эмне болду дебейсиңерби? Токсикозум башталды. Туздалган бадыраң жебесем өлүп кала тургандай абалга жеттим. Жейм, эле жейм деп ыйлап жатам. Сыртта автоматтар атылып, ызы-чуу болуп жатат. Жолдошум айласын таппай эки-жакка басат. Ошол маалда кайним чыдап карап тура албай сыртка чуркап чыгып кетти. Күйөөм “кайда, өлөсүң” деген боюнча калды.

Туптуура бир сааттан кийин ачуу бадыраң көтөрүп келди. “Жеңе, алыңыз”,-деп бергенде, дароо экини жедим, көксөөм канып отуруп калдым. Азыр ал кайним бейтапканада “заместитель” болуп иштейт. Ойлосом, медик болгону үчүн токсикоз деген балээ кандай болорун жакшы түшүнгөн.

Ошол күн эч эсимден кетпейт. Ар дайым жылмаюу менен эстейм. Мен үчүн жанын тобокелге салып бадыраң издеген кайниме абдан ыраазымын. Мындай кайнилер чанда ага кездешсе керек.

Башкы беттеги илюстративдүү сүрөт.

Бул жерден башка кызыктуу макалаларды окусаңыз болот:

Аялымды түндө көчөдөн издеп ыйлаганым эсимден кетпейт

Аялым апама бакырып жатса унчукпай карап турдум

Аялым каза болгондон кийин эч ким эмес экенимди түшүндүм

Кайын энем “жеңеңер кызматчыңар эмес” деп мени коргоп балдарын урушат

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт