Россиянын жараны болгон күйөөм бир жылдан бери алимент төлөбөй жүрөт

2020.08.04, 10:11
491

Саламатсызбы! Мен күйөөм менен ажырашкам, бир кызым бар. Күйөөм Россиянын жараны. Алиментке арыз бергем, буйрук чыкканына карабай төлөбөй жүрөт. Кантип алимент өндүрсөм болот? Бир жылдан ашып кетти. 

 

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
04.08.2020, 10:13

Нурислам Раимжанов

"Справедливость" укук коргоо уюмунун юристи

Урматтуу окурман! Күйөөңүз Россиянын жараны, бирок жашаган орду Кыргызстанда болсо, сот аткаруучу алимент өндүрүү ишин алып барышы керек.

Эгер ал Кыргызстанда жашаса, бирок сизге жашоо орду белгисиз болсо, анда сот аткаруучуга алименттин суммасын эсептөө жана ага издөө жарыялоо боюнча кайрылыңыз. Сот аткаруучу арызыңыздын негизинде алименттин суммасын эсептеп берүүгө (канча карызы бар), издөө жарыялап, табууга милдеттүү болот.

Жашоо орду Кыргызстанда эмес Россияда болсо, алимент өндүрүү чечимин чыгарган соттун кеңсеси аркылуу, ишти Россиядан жүргүзүү үчүн Россияга өтүнүч менен кайрылсаңыз болот. Болгону ал адам кайсы жерде жашайт, дарегин көрсөтүшүңүз керек.

Кыргызстан менен Россиянын ортосунда үй-бүлөлүк маселелер боюнча жардам көрсөтүү тууралуу атайын келишим бар. Ошол келишимдин негизинде сиздин арызыңыз Россиядан каралып, алимент өндүрүү боюнча иш алып барылат.

Бул жерден юристтин башка суроолорго жоопторун окусаңыз болот:

Ажырашуудан кийин мүлктү бөлүштүрүү. 10 суроого адвокаттын жообу

Биринчи ЗАГСты кыркпай туруп, экинчисин алса болобу?

Кайын атам үйдү баласына эмес, небереме жаздырам дейт

Кайын-журтум кызымды алып калып, мени үйдөн кууп чыкты

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт