Толуп кеткениме пролактин гормону таасир этиши мүмкүнбү? Гинеколог жооп берет
Саламатсызбы. Менде пролактин гормону жогору болгондуктан боюма бүтпөй, 2018-жылы дары ичип жатып кош бойлуу болуп, төрөгөн элем.
Эми кайра балалуу болгум келет. Бирок болбой жатат. Анын үстүнө толуп да кеттим. Пролактин таасир этиши мүмкүнбү?
Кийинки баламды пландашытруу үчүн кайра гормональный ичишим керекпи?
Жамиля Сагинова
Гинеколог-эндокринолог
Саламатчылык. Салмак кошконуңуздун себептери түрдүү болушу мүмкүн:
- төрөттөн кийинки мезгилдин оор өтүшү;
- депрессия, тукум куугандык;
- гормоналдык бузулуулар;
- богок безине байланышкан көйгөйлөр ж.б.
Ал эми кийинки кош бойлуулукту пландашытруу үчүн алгач текшерүүдөн өтүңүз. Анализдин жыйынтыктарына жараша, организмде кандай өзгөрүүлөр жүрүп жатканын жана гормон ичиш керекпи же жокпу белгилүү болот.
Ден соолукта болуңуз.
Гинеколог-эндокринолог Жамиля Сагинова менен инстаграмдагы @ginekolog_endokrinolog1 баракчасы аркылуу байланышсаңыз болот.
Башкы беттеги сүрөт интернеттен алынды.
Бул жерден адистин башка суроолорго берген жоопторун окусаңыз болот:
Боюмда бар, демим кысылып жатат, бул нормалдуубу же доктурга көрүнүшүм керекпи?
УЗИге түшсөм баланын башында суусу бар деди. Ал эмне дегенди билдирет?
Кош бойлуумун бирок кан кетип жатат. Доктурга кайрылсам боюмдан алып салбайбы?
Разрыв болгом, тиктирген жерим ажырап кетиптир, кайра тиктирсем болобу?