Күйөөм ЗАГСты кыркалы деп сотко чакырып жатат. Барбай койсом эмне болот?
Саламатсызбы! ЗАГСты бөлгөнү күйөөм сотко чакырып жатат. Барбай койсом эч нерсе болбойбу? Мен жок ЗАГСты бөлө алабы?
Нурислам Раимжанов
"Справедливость" укук коргоо уюмунун юристи
Урматтуу окурман! Кыргыз Республикасынын жарандык процесстик кодексинин негизинде ажырашуу боюнча берилген арызга карата каршы пикир берсеңиз болот. Ал эми барбай койсоңуз эч нерсе болбойт. Тактап айтканда сизди сотко мажбурлап алып келбейт же штраф салбайт. Болгону сиздин катышууңуз жок ажырашуу жөнүндө доо арызды карап, ажырашуу жөнүндө чечим чыгарып коюсу мүмкүн. Эгер мындан ары үй-бүлө болуп жашоого мүмкүн эмес деп эсептесеңиз, анда сотко сиздин катышууңуз жок доо арызды кароо жөнүндө өтүнүч жиберип койсоңуз болот.
Бул жерден юристтин башка суроолорго жоопторун окусаңыз болот:
Ажырашуудан кийин мүлктү бөлүштүрүү. 10 суроого адвокаттын жообу
Биринчи ЗАГСты кыркпай туруп, экинчисин алса болобу?