Гинекологго барсам кагаз түрүндө кыздыгым бар же жок экенин жазып бере алабы?
Саламатсызбы. Нике түндө кыз чыкпай калдым, кан болгон жок. Бирок буга чейин бир да эркек кишиге жологон эмесмин. Күйөөмө “жүр анда гинекологго баралы” десем, “мен сага ишенем”, деп такыр көңүл бурбай койду.
Эгер гинекологго барсам, кыздыгым бар же жок экенин кагаз түрүндө чыгарып бере алабы?
Светлана Коздрович
Гинеколог-эндокринолог
Саламатчылык. Гинеколог кыздык белгинин бар же жогун жыныстык катнашка бара электе аныктай алат, бирок жазып берүүгө акысы жок. Жыныстык дебюттан кийин мындай корутунду чыгарыш ого бетер оор. Анын үстүнө бул соттук-медициналык эксперттин ыйгарым укугу.
Бирок биринчи жыныстык контакттан кийин кандын жок болушу кыздык болгон эмес дегендикке жатпайт. Эгер кыздык белги абдан жука жана ийкемдүү болсо, ал айрылбайт, же болбосо айрылган жеринде майда кан тамырлар абдан аз болгон, ошондон улам кан жокко эсе болот.
Кыздык белгинин сиз билбеген 5 сыры, бул жерден окусаңыз болот.
Гинеколог-эндокринолог Светлана Коздровичти инстаграмдагы @arzclinic баракчасы аркылуу тапсаңыз болот.
Башкы беттеги сүрөт интернеттен алынды.
Бул жерден гинекологдун башка суроолорго жоопторун окусаңыз болот:
Кош бойлуумун аз-аздан кан кетип жатат. Коркунучу жокпу? Гинекологдун жообу
Жатыным эки ача экен, бойго бүтүүгө тоскоолдук болбойбу? Гинеколог жооп берет
18 жашымда дары менен бодйон түшүргөм, эми төрөй албаганым ошондонбу?