18 жашымда дары менен бойдон түшүргөм, эми төрөй албай жатканым ошондонбу?
Саламатсызбы. 18 жашымда боюма бүтүп калып, дары менен өзүм эле түшүргөм. Кийин бир топко чейин кан келип жүрдү. Андан бери 7 жыл өттү, эми боюма болбой атат. Этек кирим туруктуу келет, ден соолугум жакшы. Боюма бүтпөй жатканы ошого байланыштуу болушу мүмкүнбү?
Светлана Коздрович
Гинеколог-эндокринолог
Саламатчылык. Медикаментоздук аборт башкаларына салыштырмалуу эң коопсуз болуп саналат, эгер, доктурдун көзөмөлүндө жасалса, сиздин абалыңыз ар дайым көзөмөлгө салынып турса жана кийин эч кандай көйгөйлөр (осложнения) жаралбаса.
Ушул жети жыл аралыгында тукумсуздукка алып келген башка ооруларга туш болгон жоксузбу? Мына ушуларды аныктоо зарыл. Мисалы, жыныстык жол аркылуу жугуучу оорулар хламидия, гонорея ж.б. эркектин да аялдын да балалуу боло албай калышына себепкер.
Балким сизде гормоналдык фондун бузулушу жүрүп жатат? А балким, өнөктөшүңүз тукумсуз же ден соолугунда кандайдыр бир көйгөйлөр бар? Кыскасы, себептери түрдүү болушу мүмкүн. Аларды аныктоо үчүн өнөктөшүңүз менен бирге доктурга көрүнүп, тиешелүү анализдерди тапшырып, дарыланышыңар керек.
Ден соолукта болуңуз.
Башкы беттеги сүрөт интернеттен алынды.