Аялымдын башкадан боюна бүткөнү жакшы. Тукумсуз күйөөнүн баяны

2019.05.19, 14:08
8803

Bilesinbi.kg жаштар долбоору ар бир келген суроолордун анонимдүүлүгүн сактап, тиешелүү адистерден бекер жооп алып берип келет.

Редакциябызга келип түшкөн бул жигиттин катында балалуу боло албай жүргөнү айтылат. 

Жасалма уруктандырууну сунуштады

Бул диагноз жөнүндө жакында билдим. 3 жылдан бери балалуу боло албай, аялым экөөбүз толук текшерүүдөн өттүк. Жыйынтыгын угалы деп барсак, дарыгер мындай деди: "Мүмкүн жасалма жол менен уруктандырууну колдонуп көрөсүңөр."

Албетте, бул кабарды угуу жагымдуу болгон жок. Эми эмне кылышым керек? Келинчегим Нурзада экөөбүз бул темада сүйлөшкөндөн качып, көпкө чейин эч нерсе болбогондой жүрдүк. “Качан балалуу болосуңар”,-деп жарабызга туз сепкендер көбөйдү.  

Аялымды күнөөлөп жүргөм

Нурзада менен сүйүшүп баш кошконбуз. 1 жылдан кийин бала темасы козголду. Байкушум күнөөнү өзүнөн көрүп, канча ирет текшерилсе да, анализдери таза чыгып жатты.

Бир күнү, “мүмкүн сен текшерилип көрөсүң”,-деди. Ошондо намыстанып, “мен таза элемин”,-деп бурк эттим.

Тууган-туушкандардын, кошуна-колоңдордун, ата-энемдин жемесин Нурзадам жалгыз көтөрдү. Эркек башым менен жашынып олтурдум.

Нурзадам мени таштап кетсе, чыккынчылык катары эсептебейм

Ажырашуу маселеси көтөрүлгөндө гана бейтапканага барууга макул болдум. Анын үстүнө ата болбой калаарымды ойлой берип чарчап да кеткем. Бардык. Керектүү анализдерди тапшырдык. Күнөө кимде? Албетте менде болуп чыкты. Уролог “азооспермия” деп диагноз койду.

Эгер аялымдын тукумсуз экенин уксам, башка акмак эркектерге окшоп ажырашып кетсем керек.  

Дарыгер дарыласа болоорун, эч эле болбосо жасалма уруктандыруу бар экенин айтты. Аялым колдоо көрсөтүп жаныман чыкпайт. Эртең экөөбүз шаарга жөнөйбүз. Бизди дагы кандай сыноо күтүп турганын эч ким билбейт.

Нурзадам мени таштап кетсе, чыккынчылык катары эсептебейм – туура түшүнүп, коё берем. Ушуга чейин аны күнөөлүү кылып келгеним жетишет. Менден болбосо, башкадан боюна бүтүп, бактылуу болсо дейм.

Медицина илимдеринин кандидаты, КММАнын доценти, уролог Болот Рысбаев эркектин тукумсуздугуна себеп болгон азооспермия жөнүндө Bilesinbi.kg’ге айтып берди.

Азооспермия - эркектин бел суусунда уруктун жоктугу (болсо да бир-экөө эле).

Азоспермияда жыныс мүчөнүн функциясы бузулбайт: эрекция болот, жыныстык катнаштан кийин уруктук түшөт. Болгону мындай сперма балалуу болууга мүмкүнчүлүк бербейт.

Диагнозду уролог гана коет. Жыныс безин кесип, ичиндеги атайын "извитые канальцы" сыяктуу клеткаларды таап эмбриологго берет.

Эмбриолог клеткаларды изилдеп, ичинен урук тапса, алып тоңдуруп коет. Кийин ал киши, балалуу болууну пландаганда тоңдурулган уруктарды ЭКО жолу менен  пайдаланат.

Эгер ичинде урук жок болсо, бул көйгөй донордун жардамы менен чечилет.

Себептери абдан көп, айрымдарына токтолсом:

  • жыныс безинин сезгениши же жаракат алышы;
  • генетикалык бузуулар;
  • инфекциялык оорулар;
  • жыныстык жол аркылуу жугуучу инфекциялык оорулар;
  • стресс;
  • кан диабети;
  • гормондук бузулуулар;
  • алкоголь, баңги, чылым ж.б.

Азроспермияны толугу менен дарылоого болот деп айтуу кыйын. Дары-дармектер 10 же 20 пайыз жардам бериши мүмкүн. Жыйынтык бербесе ЭКО же жасалма уруктандырууну сунуштайбыз.

 

А
Аноним
19.05.2019, 15:29

Эко уруктандыруу канча турат

0
Пайдалуу жооп
А
Аноним
19.05.2019, 17:28

Бир айдан бери жыныстык катнашка көңүл жок  эмне себеп

0
Пайдалуу жооп
А
Аноним
19.05.2019, 21:40

Эко Бишкекте 2000$, Алматыда 800$ турат экен

0
Пайдалуу жооп
А
Аноним
20.05.2019, 11:20

Эгер жардам керек болсо,мен донор болуп бере алам

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт