Бул фильмдер ийгиликке бат жетүүгө мүмкүндүк берет
Bilesinbi.kg максатка жетүү үчүн катаал жагдайларды гана эмес, өздөрүн да жеңген адамдар жөнүндө бир нече тасмаларды тиземектеп чыкты. .Абайлаңыз, бул фильмдерди көргөндөн кийин кайра-кайра кайталап көрүшүңүз мүмкүн.
Форрест Гамп
Акылы кем, жүрөгү таза, эч кимге зыяны жок баш каарман Форрест Гамптын өзгөчө жашоосу жөнүндө баяндалат. Фантастикалык жол менен ал белгилүү футболчуга, согуштун баатырына жана ийгиликтүү бизнесменге айланат. Эң кызыгы миллиардер болгонуна карабастан, боорукер бойдон калат.
Коко Шанель
Коко Шанель бойго жеткенде эле байлыкка жана атак-даңкка татып, стилдин иконасына айланган. Бул биографиялык тасма анын бала чагындагы балдар үйүндөгү жашоосун жана жакырчылык, согуштарда өткөн күндөрүн, кайгыга батырган сүйүү романдарын жана саткындыктан өткөн жолдорун чагылдырат.
«Cтив Джобс»: Одна последняя вещь
1994-жылдагы маектешүү тасмасынан Стив Джобстун жашоосу жөнүндө мурунтан белгисиз болгон фактылар ачылат. Фильмди көргөн адам аны жөнөкөй адам катары баалап, генийдин оң жана терс жактарын биле алат.
8 миля
Эминем башкы ролду ойногон "8 миля" жылдыздын жаштыгынын дээрлик толук хроникасы. Кедей африкалыктардын катаал чөйрөсүндө өсүп чоңойгон Эминем өзүнүн жашоодогу ордун таба алды.