Башкы прокуратуранын сайтында кандай маалыматттар бар? Анализ
Kaktus.media өлкөнүн башкы көзөмөлдөөчү органы болгон prokuror.kg сайтында пайдалуу эмне бар экендигин изилдеп көрдү.
Колдонуучулар Башкы прокуратуранын сайтынан эмнени тапкылары келет?
- Бош орундар, анын ичинде стажировка.
- Кадрлар резервине конкурстардын жарыясы
- Жасалган кылмыштардын деталдуу статистикасы - релиз эмес, Excel таблицасы же электрондук маалымат базасы түрүндө .
- Ишеним телефону.
- Жумушка алуу жөнүндө жобо.
- Так ыйгарым укуктар: алар эмнелерди колдоно алышат, кандай маселелер боюнча кайрыла алышат, кандай маселелер боюнча прокуратурага эмес, Экономикалык кылмыштарга каршы күрөшүү боюнча мамлекеттик кызматка, УКМКга, Ички иштер министрлигине кайрылышат.
- "Көп берилүүчү суроолор" бөлүмү.
Башкы прокуратуранын сайтында эмне бар?
Prokuror.kg сайтына киргенде, веб-ресурстун эски версиясы ачылат. Анча деле пайдалуу маалымат жок, бирок шрифт тандап, сүрөттөрдү өчүрсөң болот.
Сайттын заманбап көрүнгөн жаңы версиясы https://new.prokuror.kg/ru шилтемесинде жайгашкан. Башкы беттеги негизги орун жаңылыктарга арналган.
Башкы прокуратуранын сайтындагы эң маанилүү нерсе - жаңылыктар, маектер жана медиа файлдар, бирок бөлүмчөлөр толуктала элек. Жаңылыктар гана жаңыртылат.
"Пресс борбору" бөлүмү "Башкы" бөлүмүн кайталайт. Башкы прокуратуранын жаңылыктары ошол жерге жайгаштырылышы керек. Азырынча бөлүмчөлөрдү бассаң иштебейт.
"Жарандарды кабыл алуу" бөлүмү колдонуучулар үчүн пайдалуу, анда бир нече функциялар каралган. Алар азырынча иштей элек, бирок ишеним телефонунун номери сайттын башкы барагындагы эң көрүнүктүү жерге коюлган.
Ошондой эле башкы беттеги оң тилкеде суроо-талап жөнөтүү формасы менен онлайн кабыл алуу жайгаштырылган. "Прокурор жооп берет" (айтмакчы, бул бөлүм сайттын эски версиясында сейрек жаңыртылып турчу) жана "Прокурорго суроолор" иштебейт.
Жарандар резервге жазылып, бош орундардын тизмесин көргүлөрү келет. Сайттын жаңы версиясында дагы, эскисинде дагы бош орундардын тизмеси берилген эмес. Прокуратурага кабыл алуунун ачык-айкындуулугу коррупцияга каршы күрөштүн дагы бир кадамы болмок.
Байланыштары бар бөлүм дагы иштебейт. Кандайдыр бир себептерден улам, эл аралык кызматташуунун эки бөлүмү бар: негизги менюда дагы, ачылуучу тизмеде дагы.
Ошол эле учурда, маанилүү болгон бөлүм "Кылмыштардын жана жоруктардын бирдиктүү реестринин" жашырылган, бийлик бир нече жылдан бери ага болгон жеткиликтүүлүктү уюштурууга убада берип келет.
"Прокурордук көзөмөлдүн иш жүзүндөгү материалдары" бөлүмчөсү жаңыртылган, бирок акыркы билдирүү август айына туура келет.
Негизги бетте, жаңылыктар блогунун астында, пайдасыз статистика камтылган блок бар: архивди көрүү, кеңейтүү жана маалыматты окуу үчүн сандарды басуу мүмкүн эмес. Ал тургай статистика кайсы мезгилге топтолгону дагы белгисиз.
Аймактык жаңылыктар ушул блоктун астында жайгаштырылган. Ал эми төмөндө түзүмдүк бөлүмдөрдүн иконалары бар. Алардын бардыгы толтурулган эмес, бирок баннерлер басылуучу жерде байланыштарды көрө аласыз.
Жалпысынан сайттын визуалдык компоненти гана өзгөргөң: прокуратурага гана керек болгон көптөгөн бөлүмдөр жаңы версияга которулган, бирок жарандар үчүн чындап маанилүү болушу мүмкүн болгон маалыматтар кошулган эмес.
Эмне жетишпейт?
Калктын негизги бөлүгү үчүн прокуратурага качан кайрылууга болот, кайсы мыйзам бузуулар үчүн, кайсыл жерде жана кандайча прокуратуранын иш-аракеттерине даттанууга болот деген маалыматтарды камтыган бөлүктү иштеп чыгуу керек . Ал үчүн бир катар инфографикаларды иштеп чыгууга болот, анда жөнөкөйлөтүлгөн түрдө жогоруда айтылган суроолордун жооптору баяндалып, байланышууга мүмкүн болгон байланыштар жайгаштырылат.
Жалпыга маалымдоо каражаттары үчүн, активисттер, бейөкмөт уюмдар жана изилдөөчүлөр статистикалык маалыматтарды машинада окула турган формада талап кылышат, аларга канча иш жабылганын, канчасы каралып жаткандыгын, берилген жана каралып чыккан арыздар жөнүндө маалыматтарды таба тургандай кылса болот. Ошондой эле басма сөз кызматынын байланыштарын жарыялоо керек.
Башкы прокуратуранын сайтынан дагы кандай маалыматтарды көргүңүз келерин комментарийлерге жазыңыз.
Материал ALDA - Европанын жергиликтүү демократия ассоциациясы жана Европа Бирлиги берген ресурстардын жардамы менен чыгарылды. Бул басылманын мазмунуна "ПроМедиа Плюс" компаниясы гана жооп берет жана ALDA же Европа Бирлигинин көз карашын чагылдырбайт.
