“Паническая атака” болуп жатам, дары ичишим керекпи же психологго барамбы?

Мария Самсонова

Психолог

Саламатчылык. Депрессия жана “паническая атака” экөө эки башка түшүнүк.

Депрессиянын негизги белгиси – адамдын маанайы басыңкы болот. Эч нерседен ырахат албайт, бардыгына кайдыгер. Андан башка белгилери төмөнкүлөр:

• пессимизим;
• социалдык активдүүлүктүн төмөндөшү;
• чарчоо, апатия;
• уйку басуу же тексерисинче уйку качуу;
• тамакка табиттин жоголушу;
• суицидалдык ойлор.

Депрессия деген диагнозду психиатр деген адис гана коет. Аны дарылоо үчүн медикаментоздук каражаттар жана психотерапия колдонулат.

“Паникалык атака” – бул паниканын курч приступтары. Адам өлүп калуудан, акылынан тайып кетүүдөн же белгисиз бир нерседен коркот. Бирок реалдуулукта андай коркунуч жок болот.

Приступтардын аралыгында адам кадимкисиндей эле жашап жүрө берет.

Паникалык атаканын симптомдору:

• абанын жетишсиз болуп ынтыгып дем алат;
• баш айланат;
• жүрөктүн согушу тездейт (тахикардия);
• тремор (денени калтырак басат);
• ашыкча тер бөлүнөт;
• дем жетпегендей, муунуп бараткандай сезим пайда болот;
• реалдуулукту кабыл ала албайт, жакындарын тааныбайт;
• дене мүчөлөрүн (колу, бутун) сезбейт;
• бирде тердеп, бирде чыйрыгат.

Айрым учурларда элдер паникалык атаканы жүрөктүн кармап калуусу (сердечный приступ) менен адаштырышат.  

Кээде эки диагноз тең бир эле учурда болот, башкача айтканда депрессия менен паникалык атака.

Паникалык атака диагнозун психиатр, психотерапевт, психолог коет. Дарылануу жолу медиакентоздук жана психотерапиялык.

Мария Самсонова менен инстаграмдагы @samsonova.psiholog баракчасы аркылуу байланышсаңыз болот. 

Башкы беттеги сүрөт интернеттен алынды.

Бул жактан псхологдун башка кеңештерин окусаңыз болот:

Апамдын каза болушуна атамдын салымы чоң. Кантип аны кечирем?

Жигитим менден 11 жаш улуу. Жаш айрымачылыгыбызкийин көйгөй жаратпайбы?

Эл алдына чыгып сүйлөгөндөн корком. Коркоктугумду кантип калтырам?

Күйөөм интернеттен кыздар менен сүйлөшө берет. Бул оорубу эмне?