Төрөй элек келиндерде эрозия бар болсо күйгүзгөн болбойбу? Гинеколог жооп берет
Саламатсызбы. Сурайын дегеним менде эрозия бар экен. Турмушка чыккам, бирок төрөй элекмин. Доктур төрөй элек болсоң күйгүзбөйбүз деди.
Эрозияны башка жол менен дарыласа болобу? Эч нерсе кылбай жүрө берсем, ден соолугума зыяны тийбейби? Алты айдан бери боюма бүтө элек, же муну дарыламайын боюма бүтпөйбү?
Светлана Коздрович
Гинеколог-эндокринолог
Саламатчылык. Бүгүнкү күндө эрозияны күйгүзүүнүн көптөгөн коопсуз ыкмалары бар. Алар төрөй элек келиндеррге да жасалуусуна уруксат берилген. Ошондуктан негизги себебин башкадан издегениңиз оң болот.
Жатын моюнчасынын ар кандай абалдарын эрозия дей беришет. Эрозиянын өзү (туура аталышы - эктопия) оору болуп саналбайт, жана айрым учурларда дарылоону талап кылбайт. Бирок эгер ал сезгенүү же дисплазия менен коштолсо, анда тукумсуздукка же андан да коркунучтуу кесепеттерге алып келиши мүмкүн.
Адатта эрозиянын болушу тукумсуздукка алып келбейт. Негизги себебин аныктоо үчүн толугу менен медициналык текшерүүдөн өтүү зарыл. Аял жалгыз эмес, күйөөсү менен бирге көрүнүп, дарылануусу шарт.
Так диагноз коюу үчүн бир нече изилдөөлөрдөн, анын ичинде колькоскопиядан өтүу сунушталат. Андан кийин дарылоочу гинеколог менен биргеликте дарылоо тактикасын тандап аласыңар.
Ден соолукта болуңуз!
Гинеколог-эндокринолог Светлана Коздровичти инстаграмдагы @arzclinic баракчасы аркылуу тапсаңыз болот.
Башкы беттеги сүрөт интернеттен алынды.
Бул жерден кош бойлуулук жөнүндө дагы окусаңыз болот:
ЭКО деген эмне? Кимдерге жасалат? Баасы канча турат? 10 суроого жооп
Токсикоздун белгилери жана аны жеңилдетүү жолдору
Эклампсия деген эмне? Белиглери, себептери жана кесепети
Толгоо башталганын кантип билем? Кош бойлуу келиндер үчун шпаргалка