Атамдын үйүн инимдин кичүү баласына өткөрсөк болобу? Юрист жооп берет
Саламатсызбы. Сурайын дегеним, биз 9 бир тууганбыз, атам бизди таштап башкага үйлөнгөн. Башка аялынан дагы 3 баласы бар. Биз жашап жаткан үй атамдын атында. Үйдү кичүү инимдин баласына өткөрсөк болобу? Атам каршы эмес.
Нургазы Абдувалиев
“Академик” юридикалык компаниясынын директору, юрист
Үйгө тиешелүү укук белгилөөчү документтер жана жарандык паспорттор менен үй жайгашкан аймактагы Кадастр мамлекеттик мекемесине (госрегистр) кайрылыңыз. Атаңыздын атынан иниңиздин баласынын наамына үйдү каттатууда эч кандай кыйынчылык жаралышы мүмкүн эмес.
Мамлекеттик органда бүтумдөрдү каттоо бөлүмү бар. Каттоо үчүн белгиленген мамлекеттик алымды гана кассага төлөйсүз. Аталган бөлүмдүн адистери келишимди өздөрү түзүп, кол койдуруп, каттоого алып алышат.
Ийгилик!
Башкы беттеги сүрөт интернеттен алынды.
Юрист Нургазы Абдувалиев менен инстаграмдагы @academic.kg баракчасы аркылуу байланышсаңыз болот.
Бул жерден башка юридикалык суроолорго жоопторду окусаңыз болот:
Тигүү цехинин кожойкеси акчамды бербей жатат. Укугумду кантип коргойм?
18 жаштан өткөндөн кийин алкоголдун, тамекинин зыяны азыраак болобу?
Көп жолу дело ачтырсам да алиментти көбөйтүп бере алышкан жок. Эмне кылам?