Жолдошум каза болгон, бир туугандарынын үйүбүздү талашууга укугу барбы?
Саламатсызбы. Жолдошум каза болгонуна 3,5 жыл болду. Үйдүн кызыл китеби бар, ал менин атыма жазылган. Жолдошумдун бир туугандары үйүбүздү талашып жатышат. Алардын укугу барбы?
Нургазы Абдувалиев
“Академик” юридикалык компаниясынын директору, юрист
Саламатчылык. Эгер турак-жай жолдошуңуз менен расмий никеге тургандан кийин салынган же сатып алынган болсо, ал экөөңөрдүн ортоңордогу жалпы мүлк болуп саналат. Жолдошуңуз каза болгондон кийин мурас катары сиз гана ээлик кылууга укуктуууз.
Сурап жатканыңызга караганда, жолдошуңуз каза болгондон кийин турак жайды өзүңүздүн наамыңызга мамлекеттик каттоо органынан өткөрө элек окшойсуз. Андан бери үч жылдан ашса, мурасты кабыл алуу мөөнөтүн өткөрүп жибергенсиз.
Үйгө тиешелүү докмуенттериңизди алып, мамлекеттик нотариуска кайрылып, андан жазуу жүзүндөгү баш тартуу кагазын алып, өткөрүп жиберген мөөнөттү калыбына келтирүү үчүн арыз менен кайрылууну кеңеш кылам.
Ийгилик!
Башкы беттеги сүрөт интернеттен алынды.
Юрист Нургазы Абдувалиев менен инстаграмдагы @academic.kg баракчасы аркылуу байланышсаңыз болот.
Бул жерден башка юридикалык суроолорго жоопторду окусаңыз болот:
Тигүү цехинин кожойкеси акчамды бербей жатат. Укугумду кантип коргойм?
18 жаштан өткөндөн кийин алкоголдун, тамекинин зыяны азыраак болобу?
Көп жолу дело ачтырсам да алиментти көбөйтүп бере алышкан жок. Эмне кылам?