Күйөөм башкалар менен урушса мен ыңгайсыз абалда калам. Эмне кылыш керек?
Саламатсызбы. Күйөөм экөөбүздүн үйлөнгөнүбүзгө беш жыл болду. Ачуусу аябай бат келет. Ата-энеси, биртуугандары, көчөдөгү адамдар менен бир заматта уруша кетет. Бери жакта туруп, мен ыңгайсыз абалда калам дайыма. Бирок мага кылган мамилеси жакшы.
Эмне кылыш керек? Кайда, кимге көргөзүш керек? Же психологдор жардам береби?
Мария Самсонова
Психолог
Саламатчылык. Сиз күйөөңүз менен сүйлөшүп, ал башкалар менен урушуп жатканда кандай сезимдерге туш болуп жатканыңызды айтсаңыз болот. Мисалы: “Башка адамдарга агрессия көрсөтүп, кыйкырганда, мен жаман болом, корком. Менимче, сен мындай жүрүм-турумуңа чара көрүшүң керек” - деп.
Психологго, психотерапевтке же психиатрга кайрылууну сунуштап көрүңүз. Андан ары эмне кылышты күйөөңүз өзү чечет.
Ал сиздин айткандарыңызга макул болот же макул болбойт. Эгер өзүнүн агрессивдүүлүгүн нормалдуу нерсе деп эсептесе, сиз эч нерсе кыла албайсыз. Ага таасир этип, өзгөртүүгө аракет кылуунун зарылчылыгы жок.
Анда сиз өзүңүзгө башка суроо беришиңиз керек: мындай адамдын жанында өмүр бою жашоого даярсызбы?
Мария Самсонова менен инстаграмдагы @samsonova.psiholog баракчасы аркылуу байланышсаңыз болот.
Башкы беттеги сүрөт интернеттен алынды.
Бул жактан псхологдун башка кеңештерин окусаңыз болот:
Апамдын каза болушуна атамдын салымы чоң. Кантип аны кечирем?
Жигитим менден 11 жаш улуу. Жаш айрымачылыгыбызкийин көйгөй жаратпайбы?
Эл алдына чыгып сүйлөгөндөн корком. Коркоктугумду кантип калтырам?
Күйөөм интернеттен кыздар менен сүйлөшө берет. Бул оорубу эмне?