Турмушка чыккандан корком, ошондуктан бардыгынан баш тартып келем

2020.08.28, 12:59
612

Саламатсызбы. Менин суроом төмөндөгүчө: жашым 20да, жакшы үй-бүлөнүн кичүү кызымын, ата-энем, бир туугандарым бар. Окуумду аяктап, жакшы жумушка орношком.

Колумду сураган жигиттер көп, бирок бардыгынан баш тартып келем. Былтыр бир жигит ала качып да кетти, көгөрүп отурбай койдум. Кийин ал башкага үйлөндү, бир чети кызганып кыйналдым.

Турмушка чыккым келет, бирок жашообуз кандай болот, жашап кете албай калсакчы, ажырашсам кантип жашайм, деген ойлор эзип салды. Ушул коркуу сезимин кантип жеңсем болот?

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
28.08.2020, 13:00

Мария Самсонова

Психолог

Саламатчылык. Сиз азыр болгону 20 жашта экенсиз. Эми гана бутуңузга туруп, көздөгөн пландарыңызды ишке ашырып баштадыңыз. Эмне үчүн турмушка чыкканга шашып жатасыз? Өзүңүз психологиялыкк жактан да даяр эмес экенсиз. Жаштыгыңыз менен ырахаттанып, потенциалыңызды ачып, алдыга көптөгөн максаттарды коюп, ага жетүүгө аракет кылыңыз да.

Сиздин башкы көйгөй, өзүңүздү-өзүңүз турмушка чыгууга кыйнап жатасыз, бирок бул кадамга такыр даяр эмес экениңизди көз жаздымда калтырып койдуңуз. Ички туюмду угууга үйрөнүңүз, жеке каалоолоруңуз мене эсептешиңиз.

Ал эми күйөөгө тийгенден коркуу сезими ал башка маселе. Мен сиздин катыңызды жакшы түшүнгөн жокмун. Жакшы үй-бүлөдөнмүн, ата-энем, бир туугандарым бар деп жатасыз. Демек, сиз мыкты үй-бүлөнүн үлгүсүн көрүп чоңойдуңуз. Үй-бүлөлүк жашоо бул бактысыздык, ажырашуу деген идея эмнеден улам калыптанып калган?

Кааласаңыз психологго кайрылып, ичтеги коркуу сезимдери менен иштеп көрүңүз. Бул жан дүйнөнү жакшыраак түшүнүүгө өбөлгө болот.

Ийгилик!

Мария Самсонова менен инстаграмдагы @samsonova.psiholog баракчасы аркылуу байланышсаңыз болот. 

Башкы беттеги сүрөт интернеттен алынды.

Бул жактан псхологдун башка кеңештерин окусаңыз болот:

Апамдын каза болушуна атамдын салымы чоң. Кантип аны кечирем?

Жигитим менден 11 жаш улуу. Жаш айрымачылыгыбызкийин көйгөй жаратпайбы?

Эл алдына чыгып сүйлөгөндөн корком. Коркоктугумду кантип калтырам?

Күйөөм интернеттен кыздар менен сүйлөшө берет. Бул оорубу эмне?

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт