Күйөөм мурунку сүйгөнү менен сүйлөшүп жүрүптүр. Эмне кылышым керек?

2020.07.31, 13:35
739

Былтыр күйөөмдү бир аял менен телефон аркылуу сүйлөшүп жүргөнүн кармап калдым. Болду сүйлөшпөйм, токтоттум, дегенден кийин дагы 3-4 жолу кармадым. Ал аялга да чалып уруштум. Көрсө, күйөм бойдок кезде экөө кыз-жигит болуп жүрүшчү экен.

Биздин баш кошуп жашаганыбызга 22 жыл болду. Экөөбүздүн төрт балабыз бар. Бул окуяга чейин эч качан мындай болгон эмес.

Оюм тынч эмес, күндө мээмди курттай жеп эле турат. Дагы деле сүйлөшүп жүргөндй шек санай берем. Канча унутайын деп аракет кылдым, болбой койду. Ой баса берип кыйналып кеттим. Эмне кылам, кеңеш бергилечи?

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
31.07.2020, 13:35

Виталий Пукаев

Психолог

Эмне кылам, деп сурап жатасыз, бирок сиз эмнени айтып жатасыз? Ким же эмне боюнча чечим чыгаргыңыз келип турат? Күйөөнүздүбү? Өзүңүздүбү? Же тиги аялдыбы?

Өзүңүз жөнүндө өтө аз маалымат бердиңиз. Сезимдериңиз тууралуу айткан жоксуз. Сиз бул никеде бактылуусузбу? Күйөөңүздөн күткөн нерсени ала алдыңызбы? Экөөңөрдүн мамилелериңер кандай?

Албетте 22 жыл оңой эмес. Бул мамиле үчүн олуттуу мөөнөт.

Кандайдыр бир кеңеш берүүдөн мурун, сиздин сезимдериңизди түшүнүп алуу маанилүү. Күйөөңүздүн башка менен сүйлөшүп жүргөнүн кармаганда кандай сезимдерге туш болосуз? Ачууланасызбы? Таарынасызбы? Кайгырасызбы? Кызганасызбы? Эмнени сезесиз?

Экөөңөрдүн үй-бүлөнөрдүн өзөгү эмне? Балдар? Бири-бириңерге болгон сезимдер? Балким ортодогу бизнес?

Сиз көптөгөн суроолорго жооп издеп жатасыз. Ошондуктан ойлор тынчыңызды алууда.

Мамиле, нике, үй-бүлө бул жөн гана паспорттогу мөөр эле эмес. Бул тынымсыз өзгөрүүгө дуушар болуп турган процесс. Учурда силердин мамилеңерде кризис болуп турган кез окшойт.

Алгач өзүңүздүн сезимдериңизди, эмоцияларыңызды, ойлоруңузду ирээтеп алыңыз. Андан кийин күйөөңүз менен маселени ачык жана жайдары талкуулай аласыз.

Ийгилик!

Виталий Пукаев менен инстаграмдагы @vitaly_pukaev аккаунту аркылуу байланышсаңыз болот.

Башкы беттеги илюстративдүү сүрөт.

Мамилелер тууралуу бул жерден окусаңыз болот:

Сүйлөшкөн кызыма жуучу түшсө жигитим бар, деп айтпаптыр. Эмне кылышым керек?

Жигитим быйыл үйлөнөлу деп жатат. А мен арсар болуп жатам

Жигитим үйлөнсөк иштетпейм, өзүм багам деп айтат. Эмне кылышты билбей турам

Сүйөшкөн кызымды өбө элекмин. Эмне кылсам болот? Психологдун кеңеши

0
Пайдалуу жооп
А
Аноним
02.08.2020, 06:00

Саламатсызбы,Мен хиджаб кийем деп ниет кылып журом коптон бери,орозодон бери 5убак намаз окуйм,куйоомо айтсам макул болду бирок кандайдыр бир коркунуч бар эл эмне дейт деген кантип бул нерсени женсем болот ойлоноберип кыйналып кеттим

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт