Атасы кандай учурда алименттен баш тарта алат? Адвокаттын жообу
Кызыма алимент өндүрүү боюнча сотко арыз менен кайрылгам бирок мурунку жолдошум алиментти жокко чыгарыптыр. Бул тууралуу соттун аныктамасын алдым. Ушул мыйзамдуубу?
Кайра алиментке арыз жазсам, дагы баш тартып кое алабы? Алимент төлөбөй жатса, мен аны аталык укуктан ажырата аламынбы?
Эркингүл Шаршенбекова
Адвокат
Урматту окурман, негизи, ата алимент төлөөдөн баш тартууга укугу жок.
Түшүнгөнүмө караганда алимент өндүрүү жөнүндө сот буйругун чыгарткан экенсиз. Жарандык процессуалдык кодекстин талаптарына ылайык, колго алгандан кийин 10 күндүн ичинде негиздүү каршы пикир келтирсе, сот жокко чыгарууга укуктуу.
Сиз доо арыз менен кайра кайрылууга толук укуктуусуз. Эгер соттун чечимин чыгартсаңыз, ал аткарылууга жатат.
Аталык укуктан ажыратуу боюнча айта кетсем, Үй-бүлөлүк кодекстин талаптарына ылайык, ата-эне милдеттерин убагында аткарбаса, бул аны балага болгон укугунан ажыратууга негиз болуп бере алат.
Ийгилик!
Адвокат Эркингүл Шаршенбекованы инстаграмдагы @advokat_kg_erkingul баракчасы аркылуу тапсаңыз болот.
Башкы беттеги сүрөт иллюстративдүү.
Адвокаттын башка суроолорго жоопторун бул жактан окусаңыз болот:
Келинчегим мага айтпай туруп үйүбүздү сатып жиберген. Сотко кайрылсам болобу?
Апам үйдү өз наамына өткөргүсү келет, менин уруксатым жок өткөрө алабы?
Кайын атамдын үйүндө өгөй кайын агам турат. Үйүбүздү кантип өзүбүзго алсак болот?
Батирдин ээси жашабасам да эки айдын акчасын төлө деп жатат. Ушул туурабы?