“Центральное предлежание плаценты” – деген эмне? Канчалык деңгээлде коркунучтуу?
Саламатсызбы. Мен кош бойлуумун, 12-13 жума болуп калды. Жашым 33тө, үч балам бар. УЗИге түшсөм гинеколог – “центральное предлежание плаценты” деп жазып берди. Бул диагноз канчалык деңгээлде коркунучтуу? Эмне себептен мындай болушу мүмкүн?
Раушан Джумагулова
“Эркай” клиникасынын адиси, акушер-гинеколог
Былжыр челдин борбордо жайгашуусу болочок эненин көп кан кетип калуусу менен коркунучтуу. Ал эми себептери түрдүү болот:
- көп сандагы кош бойлуулук жана төрөт;
- буга чейин кесердик кесүү аркылуу көз жаруу;
- жатындагы патологиялар;
- чылым чегүү;
- кош бойлуу эненин жаш курагы.
Тез арада гинекологго учетко туруңуз. Ал айткан бардык рекомендацияларды аткарып, физикалык активдүүлүктү төмөндөтүп, жыныстык катнашты токтотуу зарыл.
Аман-эсен көз жарып алыңыз.
Гинеколог Раушан Джумагулованы инстаграмдагы @erkai_clinic баракчасы аркылуу тапсаңыз болот.
Башкы беттеги сүрөт интернеттен алынды.
Бул жерден кош бойлуулук жөнүндө дагы окусаңыз болот:
Токсикоздун белгилери жана аны жеңилдетүү жолдору
Эклампсия деген эмне? Белиглери, себептери жана кесепети
Толгоо башталганын кантип билем? Кош бойлуу келиндер үчун шпаргалка