Мед айым, эркек баланын жыныс мүчөсүн тазалап тур деди эле. Ошол туурабы?
Саламатсызбы. Баламдын төрөлгөнүнө бир ай болду. Мед айым баланын жыныс мүчөсүнүн башында туз болот, ошону терисин түрүп тазалап тур, деп айткан.
Ошентип тазалап жатканымда толугу менен түрүлүп калып, кайра ордуна араң киргиздим. Мунун коркунучу барбы же эч нерсе болбойбу?
Азат Бейшенов
Уролог
Саламатчылык. Мунун чоң коркунчу бар. Мындай процедуралар “парафимоз” – деген ооруга алып келиши мүмкүн.
Парафимоз – бул эркек баланын жыныс мүчөсүнүн өзүнүн терисине кысылып, кыпчылып калышы. Мындайда чукул медициналык жардам керектелет.
Бул абдан оор жана кооптуу абал. Жыныс мүчөнүн клеткалары өлүп, айрым учурларда ампутация жасоого туура келет.
Ошондуктан баланын жыныс мүчөсүнүн гигиеналык процедураларын өтө этияттык менен жасоо керек. Акырын гана “обработка” кылып коюу жетиштүү. Терисин ашыкча жылдырып, тазалабаңыз.
Балаңыз ден соолукта болсун!
Азат Бейшенов менен @urologyazat_kg инстаграм баракчасы аркылуу байланышсаңыз болот.
Башкы беттеги сүрөт интернеттен алынды.
Эркек баланын ден соолугу боюнча бул жактан окусаңыз болот:
Баламдын калтасы чоң болуп жатат. Бул нормалдуубу? Хирург жооп берет
Үч жаштагы балам чочосун кармай берет, кантип койдурам? Психолог жооп берет
Төрт жаштагы баланын чочосу эмне себептен туруп калышы мүмкүн?