Эрозия болгондо “черный тмин” жардам береби? Гинеколог жооп берет
Саламатсызбы. Менин башым катып жатат. УЗИге түшсөм “эрозия шейки матки” деп жыйынтык чыгарып беришти, анализдерим да начар чыгыптыр. Эми эрозияга дагы анализ тапшырат экенмин. Эгер жатын моюнчасындагы клеткалар ракка айланса онкологияга жөнөтөбүз, деп айтышты.
Бир эже “черный тмин” ичсең жакшы болуп кетесиң, деп жатат. Эмне кылсам болот? Чын эле ушундайбы? Гинекологдон кеңеш алып бериңизчи?
Светлана Коздрович
Гинеколог-эндокринолог
Саламатчылык. Эгер онколгияны дарылоодо альтернативдик каражаттар жардам берсе, бул оорудан көз жумгандардын саны мынчалык көп болмок эмес.
Кара зирени колдонсо болот, бирок дарылоонун негизги эмес кошумча каражат катары эле.
Сизди онкологияга жөнөтөбүз деп жатышса демек эрозия эле эмес, жатын моюнчасынын дисплазиясы да болушу мүмкүн. Бирок бул жөн гана божомолдоо. Мен сизди жана сиздин анализдериңизди көргөн жокмун, ошондуктан так жооп берүү мүмкүн эмес.
Менин сизге айтаарым, дарыгердин рекомендацияларын так аткарып, өз убагында дарыланыңыз.
Ден соолукта болуңуз!
Башкы беттеги сүрөт интернеттен алынды.
Бул жерден кош бойлуулук жөнүндө дагы окусаңыз болот:
Токсикоздун белгилери жана аны жеңилдетүү жолдору
Эклампсия деген эмне? Белиглери, себептери жана кесепети
Толгоо башталганын кантип билем? Кош бойлуу келиндер үчун шпаргалка