Боюмда бар кезде аябай арыктап кеттим, кантип калыбыма келем? Гинекологдун жообу
Боюмда бар кезде катуу токсикоз болуп, аябай арыктап кеттим. 60кгдан 48кгга түштүм. Кыздуу болгонбуз, тогуз айга толуп калды. Бирок дагы деле салмак кошо албай жатам. Төрөттөн кийин кантип калыбыма келсем болот?
Светлана Коздрович
Гинеколог-эндокринолог
Саламатсызбы. Кош бойлуулук жана төрөт ар кимге ар кандай таасирин тийгизет. Айрымдар салмак кошуп толуп кетишсе, башкалар сизге окшоп токсикоздун айынан кескин арыкташат.
Эгер салмак мурункудан кыйла айырмаланса, бул кандайдыр гормоналдык бузулуулардын белгиси болушу мүмкүн, жана аны изилдеп чыгуу керек.
Адатта, баланы эмчектен чыгаргандан кийин аялдын салмагы акырындык менен өз калыбына келет. Эгер андай болбой жатса, тиешелүү дарыгерлерге көрүнүү сунушталат.
Ден соолукта болуңуз.
Гинеколог-эндокринолог Светлана Коздровичти инстаграмдагы @arzclinic баракчасы аркылуу тапсаңыз болот.
Башкы беттеги сүрөт интернеттен алынды.
Бул жерден кош бойлуулук жөнүндө дагы окусаңыз болот:
Токсикоздун белгилери жана аны жеңилдетүү жолдору
Эклампсия деген эмне? Белиглери, себептери жана кесепети
Толгоо башталганын кантип билем? Кош бойлуу келиндер үчун шпаргалка