Мен эркекмин, көкүрөгүмдө без бар, кантип жок кылса болот? Маммологдун жообу
Менин тынчымды алган бир суроо бар: 32 жаштамын, үйлөнгөм, балдарым бар. Көкүрөгүмдүн эки жагында тең без бар. Өспүрүм куракта чыккан, кийин ошо бойдон калып кетти. Кээ бир балдарга да чыгып, кайра жоголгон экен. Кээде кыздардын эмчегиндей болуп томпоюп калат. Кандай кылып жок кылсам болот? Кимге кайрылышым керек?
Аида Осомбаева
“Medcenter.kg” медициналык борбордун адиси, маммолог
Саламатчылык. Сиз айтып жаткан нерсе “гинекомастия” болушу мүмкүн. Гинекомастия - бул эркектин организминдеги гормоналдык өзгөрүүлөрдөн улам эмчек безинин өсүшү.
Адатта өспүрүм куракта, организмде гормоналдык өзгөрүүлөр жүрүп жаткан учурда пайда болот. Сиз айткандай айрымдарыныкы жок болуп кетет, кээ бирлериники калып калат.
Эркектердин эмчек безинин чоң болушу эстетикалык ыңгайсыздык эле эмес, медициналык көйгөй да болушу мүмкүн. Аны так билүү үчүн маммологго кайрылып, УЗИден өтүп, пролактин гормонуна анализ тапшырышыңыз керек. Эгер бардыгы жайында болсо, операция аркылуу ашыкча ткань алынып салынат.
Ал эми гормоналдык “сбой” аныкталса эндокринологго да көрүнүп, дарылануу керек болот.
Маммолог Аида Осомбаева менен @dr.mammolog.kg инстаграм баракчасы аркылуу байланышсаңыз болот.
Башкы беттеги сүрөт интернеттен алынды.
Маммологдун башка жоопторун бул жактан окусаңыз болот:
Эмчегимдин учу карттанып, кайра-кайра түшө берет, эмнеден болушу мүмкүн?
Кызымды эмчектен чыгарганыма бир жылдан ашты, бирок дагы деле сүтүм бар
Боюмда бар, колтугумда бир дөмпөк пайда болу, эмнеден болушу мүмкүн?