Эмчегимдин учу карттанып кайра-кайра түшө берет, эмнеден болушу мүмкүн?
Саламатсызбы. Жашым 20да. Эмчегимдин учу карттанып, кайра-кайра түшө берет. Эмнеден мындай болушу мүмкүн?
Мен турмушка чыга элекмин, бала эмизбейм, жыныстык катнашка барган эмесмин.
Аида Осомбаева
“Medcenter.kg” медицина борборунун адиси, маммолог
Саламатсызбы. Үрптүн карттанып, кайра-кайра түшүп жатканынын бир нече себеби болушу мүмкүн. Мисалы: кандидоз б.а. айтканда “молочница”, кантактык дерматит же организмдеги гормоналдык бузулуу.
Балким ич кийимиңиз ыңгайсыз, өтө кысат, же болбосо синтетика, териңиз ошого аллергия болуп жатат. А балким териңиз өзү эле өтө кургак.
Эмнеси болсо да маммолог жана дерматологго кайрылып, цитологияга жана гормондорго анализ тапшыруу зарыл. Ошондон кийин гана так себеби белгилүү болот. Андан кийин тиешелүү дарылоо жазылат.
Ден соолукта болуңуз!
Маммолог Аида Осомбаева менен @dr.mammolog.kg инстаграм баракчасы аркылуу байланышсаңыз болот.