Түркияда иштейм, жакында паспортумдун мөөнөтү бүтөт. Эмне кылышым керек?
Саламатсызбы. Суроом төмөндөгүдөй: мен Түркия мамлекетинин Анталья шаарына 2017-жылы келгем. Бул мамлекеттин мыйзамдарын билбегендиктен визасын алган эмесмин. Ошондон бери бул жерде мыйзамсыз түрдө иштеп жүрөм.
Жарандык (загран) паспортумдун мөөнөтү июнь айынын аягында бүтөт. Кыргызстанга барбай туруп, Кыргыз мамлекетинин жарандык паспортун ала аламынбы?
Ал үчүн эмне кылышым керек?
Бакай Алишеров
КР Мамлекеттик каттоо кызматынын Уюштуруу-коммуникация иштери бөлүмүнүн жетектөөчу адиси
Саламатчылык. Кыргыз Республикасынын жалпы жарандык паспортун алыш үчүн биздин мамлекеттин Түркиядагы өкүлчүлүгүнө кайрылышыңыз керек. Ал эми жогорудагы өлкөдө мыйзамсыз жашап, иштеп жаткан болсоңуз, каттоого турбасаңыз, айып пул төлөө зарыл.
Бул тууралуу кененирээк маалыматты жана шарттарын элчиликтин өзүнө кайрылгандан кийин биле аласыз.
Ийгилик!
Башкы беттеги сүрөт интернеттен алынды.
Паспортко тиешелүү суроолорго жоопторду бул жактан окусаңыз болот:
Паспортумдун мөөнөтү өтүп кеткендиктен банктагы акчамды ала албай жатам
Жакында төрөйм, паспортум шаарда калды, төрөт үйүнө барсам мени кабыл алышабы?
Паспортко документтерди Кыргызстандан тапшыргам, РФтеги элчиликтен алсам болобу?