Жээриген күйөө балам карыздарымды төлөп берди

2020.02.10, 12:46
5100

Бул нерсеси жакпайт деп так айта албайм, жалгыз кызымды кызгандымбы, айтоор, башынан эле жаман мамиле кылчумун. Аталап жаныма келсе ары басып кетем. Үйүнө конокко чакырса барбайм. Жолдон жолугуп калса көрмөксөн болуп коем.

Кызым экинчи курсунда турмушка чыккан. Али жаш экенин айтып каршы болгом.

- Башыңды айлантып алган окшойт.

- Ата, бир эле жолугуп көрсөңүз, мыкты жигит экенин дароо түшүнөсүз.

- Эмне үйгө алып келейин деп жатасыңбы?

- Ооба, апам экөөң менен тааныштырсам ...

- Токтот, ата-энесин жиберсин.

Кудалар жөнөкөй адамдар экен. “Айтканыңыздын баарын аткаралы, биринчи келинибиз”,-деп, алдыма түшкөнү атайын тээ алыскы айылдан келишти. Сүйлөшүп, той күнүн белгиледик.

 

Той. Кызымды бетинен өптүм. Күйөө баламды кучактаганга жараган жокмун.

Экөө тең студент. Жумуштары жок. Шаарда батирде турушат. Батирге чыкканга чейин бир ай биздикинде болушту. “Күч күйөө балам кана?", эртең менен чайга отурганда эле асылып баштайм. Унчукпайт. Ар дайым “ата, жакшы уктап турдуңузбу?” – деп келип учурашат.

Турмуштарына кийлигише берем. Качан үйүнө барбайын уруш чыгарып келем.

- Өмүр бою батирлеп жүрөсүңөрбү? Кызымды бага албагандан кийин эмне алдың?

- Ата, жумуш таптым, буйруса айлыгы жакшы. Окууңду бүтөрүң менен кел дешти.

- Жомокторуң менен башымды оорутпачы.

Көп нерсени айтпай эле коеюн. Эстеген сайын уялам. Кээде биз деле ката кетирет экенбиз. Өкүнүчтүүсү, бул нерсени убагында түшүнбөгөнүбүз.

Үйдү ремонттойм деп, байбичем кой десе болбой олчойтуп кредит алдым. Убагында төлөй албай пайызы көбөйүп кетти. Аны жабам деп үстүнө дагы бирди алдым. Жаба алган жокмун. Банк бир айдан кийин үйдү бошоткула деди.

Дос-туугандардан бир тыйын чыккан жок. Убагында менден сурашканда бере салчумун, эми минтип ишим түшкөндө баары кайдадыр качып кетти. Бир эле адам калды. Күйөө балам.

Жакшы фирмада иштейт. Үй алам деп чогултуп жүргөн акчасы менен карыздарымдын баарын жаап берди. Бетин карагандан уялдым. “Ата акча табылат, көп кабатыр болбоңуз”, - дегенде көзүмөн жаш акты. Кызым мыкты жигитке турмушка чыкканын ошондо билдим.

“Убагында сени жээрип, көңүлүңдү көп ооруттум. Эми минтим мени колдогон жалгыз сен калдың. Сенин мынчалык адамгерчиликтүү экениңди билбепмин. Атаңды кечир уулум!”

 

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт