// //

Атамды башка аял мен көргөн күн жашоомду өзгөрттү

2023.03.23, 19:36
14894

Bilesinbi.kg окурмандарынын баштан өткөргөн ар түрдүү окуялары менен бөлүшүп келет. Бул ирет бир окурмандын катын жарыялайбыз. Эгер сизде дагы кызыктуу баян бар болсо, бизге жөнөтүңүз.

Бул менин баяным. Менин жашоомду өзгөрткөн баяным. Апама болгон сыйды күчөткөн баяным. Атама болгон муздактыкты пайда кылган баяным.

Апам ай, эмнеге мынча жакшы адамсың? Сенин ак көңүлдүгүңөн кимдер гана пайдаланган жок. Апам ай, мынча жумшак адамсың. Эмнеге жаманды жаман дебедиң? Эмнеге атамды мактадың?

Эртең менен турсам жок экен. Апам алыска жумушка кетти деди. Мен ишендим. Атамды күтүп жүрдүм. Туулган күнүмдө келбеди. Биринчи класска барганымда келбеди. Беш алганымда келбеди. Мектепти бүтүп жатканда келбеди. Университетке өткөнүмдө келбеди. 

Апам ай, беш баланы жалгыз кантип бактың. Кантип ушунча жыл атабызга болгон сыйыбызды сактап, аны жамандабадың. Апам ай.

- Атамды көрдүм.

- ...

- Башка аял менен көрдүм.

- ...

- Мени карап туруп өтүп кетти.

- ...

- Апа эмнеге унчукпайсың? Таштап кетти беле? Ушунча жыл бул жакта эле болчубу? Эмнеге бизден кабар албады? Кантип ачка отурганыбызда келбеди? Иним ооруп, дарысына акча таба алгандачы, апа... Баласы каза болгондо келбеди... Апа?

- Кызым, ал атаң.

Ыйлап жаттык. Апамды беш баласы менен таштап коюп, сайрандап жүргөн атам болобу? Уулу каза болгондо келбеген атам болобу? Беш баласы ачка отурганда башка аял жандаган ата болобу? 

Мен эми аны күтпөй калдым. Анын аман жүрүшүн күн сайын тилебей калдым. Жол карабай калдым. Мен аны кое бердим. Ата андай болбойт. 

Башкы беттеги илюстративдүү сүрөт.

Бул жерден башка кызыктуу макалаларды окусаңыз болот:

Апамды 10 баласы менен таштап кеткен атам бутубузга турганда кайтып келди

Күйөөмдүн төрт жашар кызы мени “мастан кемпир” дечү

“Туубас катын” дешип келиндер мен колдонгон буюмдарды кармашчу эмес

Кайын энем мени конокко жибербей койсо, күйөөм өзү кетип калат

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт