Кызым менен сабак даярдагандан кийин аялыма болгон сыйым күчөдү
Bilesinbi.kg окурмандарынын баштан өткөргөн ар түрдүү окуялары менен бөлүшүп келет. Бул ирет жаш келиндин катын жарыялайбыз. Эгер сизде дагы кызыктуу баян бар болсо, бизге жөнөтүңүз.
- Ата, бул дагы бар.
- Дагыбы?
- Ооба.
- Мен азыр эшикке чыгып келейин, сен өзүң жасап тур.
- Мен түшүнгөн жокмун.
- Мен азыр келем.
Сыртка чыгып алып таза абадан терең дем алдым. Ары-бери бастым. Ыйлагым келип чыкты. Үчүнчү класстарга дагы ушундай кыйын тапшырма береби?
Аялым айылга туугандарына кеткен. Кызым менен бир жумага калгам. Бир жуманын беш күнү сабак даярдоо менен өтөт. Бул тозоктун тозогу экен.
Мектепте өткөн бардык материалдарымды эстедим. Кызыма атасы үчкө окуганын айткым келбеди. Билем деп коюп, интернетти чукулайм. Ар дайым беш-төрткө окуган кызым, баягыда мен үчун үч алып келди. Ыйлады. Алаксытып пицца алып бердим. Аялым билсе экөөбүз тең аман калбайбыз.
Жумуштан келсем аялым экөө тапшырма жасап отурган болот. Сырттан караган адамга жеңил көрүнөт деген чын экен. Аялым "чарчадым, мээм ооруп чыкты" десе, "жаш баланын тапшырмасын чыгара албайсыңбы" деп күлөт элем. Мына, минтип өз башыма түштү.
- Ата точно тууурабы?
- Туура эле, мага ишенбейсиңби?
- Жок ишенбейм, баягыда үч алдым го...
- Туура кызым, мына беш аласың.
Чын эле беш алып келди. Кызыма кошулуп мен сүйүндүм. Мээм иштейт экен дедим (күлүп). Бирок күндөлүгүндөгү тиги үч баарын бузуп жатат да.
Аялыма болгон сыйым өстү. Чын. Бала менен отуруу, аны менне бирге тапшырма даярдоо тозок экен. Бекеринен нервденип бакырбайт туура.
Кечинде аялым келди. Айылдан толтура нерселерди алып келиптир. Чогуу тамактанып отуруп ага бир идея айттым.
- Кел, кезектешип тапшырма даярдайлы?
- Сага эмне болгон?
- Үч алып калдым.
Бул жерден башка кызыктуу макалаларды окусаңыз болот:
Кудагыйыма “кызымды көлөкөгө баккам” десем, “мен деле күн көрсөтпөйм” деди
Күйөөмдүн кандай жол менен акча таап келгенин угуп боорум эзилди
Күйөөмдүн жалаяк жууп жатканын угуп аябай таң калдым
Үч баласы бар аялга үйлөнгөнүмө эч качан өкүнбөйм