Эмне үчүн адамда үч же төрт эмчек болот? Кызыктуу 6 факт
Үчүнчү эмчек (бир нече болсо кошумча эмчек деп да аталат) - денеңизде бир же бир нече кошумча эмчектин болушу. Тактап айтканда, кадимки эки эмчекке кошумча, дагы башкалары болот. Келиңиз бул тууралуу маалыматтарды билип көрөлү.
- Бул кошумча сүт бези, башкача айтканда рудимент, организмдин тарыхый өрчүү процессинде өзүнүн негизги функциясын жоготкон орган.
- Үчүнчү же кошумча эмчек адатта кадимки эмчектегидей толук өнүккөн эмес. Кошумча эмчек дароо байкалбайт. Анткени кээ бирлери эмчектин кадимки белгилери жок кичинекей бүдүрчөлөр сыяктуу көрүнөт, бирок башкалары бир караганда кадимки эмчек сыяктуу көрүнүшү мүмкүн.
- Кошумча эмчек колтуктун тегерегинде же сүт безинде жайгашкан болушу мүмкүн. Бул кошумча эмчекти меңден же туубаса калдан айырмалоонун эң оңой жолу. Ошондой эле, кошумча эмчектер дененин дээрлик бардык жеринде, атүгүл колдо же бутта пайда болушу мүмкүн.
- Айымдардагы кошумча эмчектен кош бойлуулук жана лактация учурунда сүт чыгышы мүмкүн.
- Үчүнчү эмчек эмбриондун түйүлдүктө калыптанып жаткан мезгилинде пайда болот.
- Кошумча эмчекти алып салуунун кереги жок. Аномалдуу эмчектер эч кандай негизги ооруну көрсөтпөйт. Бул адамдын өзгөчөлүгү, аны дарылоонун кажети жок. Эгер бул нерсе ойго салып жаткан болсо, дарыгердин көзөмөлүнөн өтүп койсо болот.
Бул жерден башка кызыктуу макалаларды окусаңыз болот:
Айымдар бул 5 себептин айынан заарасын кармай албай калат
Климакс тууралуу бул кызыктуу 6 факты ар бир айым билиши керек