Тоюмда курбу кызымдын күйөөм жөнүндө айткан сөзү чын болуп чыкты
Bilesinbi.kg окурмандарынын баштан өткөргөн ар түрдүү окуялары менен бөлүшүп келет. Бул ирет бир окурмандын катын жарыялайбыз. Эгер сизде дагы кызыктуу баян бар болсо, бизге жөнөтүңүз.
Улам карап коем. "Болдучу" деп күйөөм качат. Мен дагы эле карап коем. Ушул чын эле менин күйөөмбү?
Балдарым анчейин деле байкаган жок. Алар али кичинекей, атасынан бир заматта башкача болуп чыга келгенин этибарга алышпады. А мен аны карап отура берип, тамагым дагы муздап калды.
- Көз айнегимди эле киеинби?
- Эмнеге?
- Сага ыңгайсыз болуп жатат окшойт?
- Баары жакшы, болгону мындай экениңди билбегем?
- Кандай?
Күлүп басып кеттим.
Тоюмда бир курбу кызым, "көз айнегин алып койсо сулуу болуп калчудай" деп шыбыраган. Мен маани деле берген эмесмин. Көрсө чын турбайбы.
Келишимдүү мырза болуп чыга келди. Ар дайым чечпеген чоң көз айнегин линзага алмаштырды эле, кино актерлор бул жакта кала түштү. Көрсө мен таптакыр башка адамга турмушка чыгыпмын. Күйөөм супсулуу экен.
Чач жасалгасын дагы өзгөрттү. Эми мен аны гана тиктеп калдым. Ал менден уялып качат. Мен артынан чуркап барып кайра тигилем. Анан мени кытылайт. Кайра мен качам.
- Сага эми көп айымдар көңүл бура башташат.
- Мага баары бир, мен бирөөнү түбөлүккө тандагам. Мага ошол жетет.
- Ммм, ким болду экен ал (билмексен болуп жылмайдым).
Ачуусуна тийгенимди айтып, кой дегенимди укпай кытылап кирди. Ичим ооруп калгыча күлдүм. Эки балабыз чуркап келе калышыптыр. Алар экөөбүздү көрүп кайра жыргашты.
Бул жерден башка кызыктуу макалаларды окусаңыз болот:
Пол жуугандын ордуна башымды жууп баштагандан бери жашоом өзгөрдү
Жигитим экөөбүз гинекологго текшерилгени кирсек дарыгер жашып жиберди