Жигитим экөөбүз гинекологго текшерилгени кирсек дарыгер жашып жиберди

2021.05.10, 15:20
26748

Bilesinbi.kg окурмандарынын баштан өткөргөн ар түрдүү окуялары менен бөлүшүп келет. Бул ирет бир кыздын катын жарыялайбыз. Эгер сизде дагы кызыктуу баян бар болсо, бизге жөнөтүңүз.

Кыз-жигит болуп сүйлөшкөнүбүзгө төрт жылдан ашты. Быйыл баш кошуу жөнүндө ойлоно баштадык. Бири-бирибизди сүйөрүбүз анык. Бирок, үй-бүлө куруу үчүн бул жетишсиз деп ойлойбуз. Жоопкерчиликтүү кадамга аң-сезимдүү түрдө, жакшылап акыл калчап туруп барууну туура көрөбүз.

Ишенесиңерби, экөөбүз жаңыдан таанышканда оюбуз бир чыкканын билип каткырганбыз. Мен күйөөгө тийбейм, ал үйлөнбөйм деген принцип менен жүрчү экен. Элдин сөзү биз үчүн эч нерсеге татыбаган бир нерсе. Дос катары сүйлөшүп баштадык. Бара-бара сезимдерибиз ойгонуп, достуктан башка бир кадамга өткөндөй болдук. Эми минтип жаңы статус алганы турабыз.

Мен күйөөгө чыккандан кийин азыркыдан дагы жакшы жашашым керек. Жок дегенде төрт көйгөйүм болсо, ошонун үчөө чечилиши зарыл. Жигитим дагы үйлөнө турган болсо, дал ушундай болушу керек. Туурабы?

Баш кошордон мурун толук медициналык текшерүүдөн өттүк. Бул чечимге мурун эле келгенбиз. Экөөбүздө кандай көйгөйлөр бар, бири-бирибизге физикалык жактан дал келебизби билели дедик. Башында бул тууралуу жигитиме айткандан кооптонуп жүрчү элем. Кандай кабыл алат деп көп ойлогом. Таң калычтуусу дароо макул болгону болду.

Бейтапканага бардык. Бүт анализдерди тапшырып, толук текшерүүдөн өтө баштадык. “Эмне жөн эле текшерилгени келдиңерби”, “чындап эле эч жериңер ооруган жокпу”, “балалуу боло албай жатасыңарбы” ж.б. Дарыгерлердин баары таң калып жатты.

Гинеколог эжеге кирсек “баш кошконго чейин текшерилип алууну туура көргөн жаштарды көптөн бери кабыл ала элек элем” деп сүйүнгөнүнөн жашып алды. Кеңештерин берип, жылуу узатты. Уролог агай дагы сүйүнүп, “эң туура чечим жасадыңар, көпчүлүк баш кошуп анан кыйналып бейтапканалап жүрүшөт” деп, ал дагы кеңештери менен бөлүштү.

Жигитим экөөбүз бейтапканадан сонун маанай менен чыктык. Туура иш кылганыбызга сүйүндүк. Колубузга анализ жыйынтыктарыбызды кармап алып, жашообуздун жаңы барагына багыт алдык.

Башкы беттеги илюстративдүү сүрөт.

Бул жерден башка кызыктуу макалаларды окусаңыз болот:

Чоң атамдын контракт төлөөгө шарты жок, "окутам" деген жигитке кыздыгымды бердим

Күйөөм кызыбызга сүйгөнүнүн атын койгонун кайын эжемден уктум

Баламды кайын эжеме таштап Москвага кетсем, сууга агып чарчап калыптыр

Үйлөнөйүн десем мага жаккан кыз жоолук салынууга макул болбой койду

Жигитим "ата-энеңе акча салба" деп айлыгымды алганга шашылат

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт