«Милдет»: үй-бүлөлүк иштер боюнча укуктук жардам
2020-жылдан бери Кыргызстанда акысыз онлайн юридикалык жардам көрсөтүүчү Telegram-бот иштеп жатат. Жакында эле БУУӨП колдоосу менен ЕБ жана БУУнун «Луч света» биргелешкен демилгесинин алкагында анын жаңыланган версиясы пайда болду. Анын айырмасы эмнеде?
2020-жылы Кыргызстандагы юридикалык иштер боюнча биринчи виртуалдык жардамчынын үстүндө иштеп жатып, долбоордун жаратуучусу, адвокат Фатима Якупбаева “Милдет” Telegram-ботунун негизинде бардык кыргызстандыктар профессионалдык кеңешке жана документтерди тариздөөдө сапаттуу жардамга ээ болоруна ишенген.
Кыялдар орундалып, пландар ишке ашты. Бүгүн, каалаган суроонун так жообун эч кыйынчылыксыз жана акысыз негизде алууга болот.
Көбүнчө кеңешке муктаж болгон базалык суроолордун катарына алиментти өндүрүү, керектөөчүлөрдүн укугун коргоо, жеке ишкерликти каттоого алуу, салык режимдери жана жумуштагы талаш маселелер кирет.
Кошумча катары, колдонуучу менен болгон баарлашуунун жыйынтыгынын негизинде, бот тез арада алиментти өндүрүп алуу үчүн арыз, карыз алуучунун тил каты же жоопкерчилиги чектелген коом түзүү жөнүндө чечимди түзүп берет.
Ушул жылдын декабрь айынын башынан баштап онлайн-юристтин функциялары кеңейди. Эми ал үй-бүлөлүк укуктар боюнча да кеңеш бере алат. Программаны иштеп чыгуучунун бул демилгеси Европа Биримдиги жана БУУӨП өнөктөштүгүнүн алкагында кыргызстандык аялдардын жана балдардын укуктарын коргоого багытталган.
Ага ылайык, эми “Милдет”:
• аталыкты аныктоо үчүн арызды тариздөө;
• сот аткаруучунун ишти аткарбай жаткандыгына даттанууну тариздөө (бул балдардын атасынан алимент өндүрүүдө кыйынчылыктарга туш болгон аялдар үчүн абдан актуалдуу маселе);
• үйбүлөнүн ажырашуу тууралуу арыз даярдоо;
• мүлктү же мурасты бөлүштүрүү маселелери боюнча ж.б кеңеш бере алат.
Белгилей кетсек, виртуалдык жардамчы сапаттуу кеңешти үч тилде: кыргыз, орус жана жакындан бери өзбек тилдеринде берип жатат. Ушуга ылайык, эми өлкөнүн түштүк аймактарынын тургундары да Telegram-ботунун кызматтарынан пайдалана алышат.
Бул жерден башка кызыктуу макалаларды окусаңыз болот:
Бир айлык баланын ден соолугун текшертүүдө буларды билүү керек