Атам мен үйлөнгөндөн бери апам ачылып кеткенин айтты

2021.09.30, 14:53
3619

Bilesinbi.kg жаштар долбоору ар бир келген суроолордун анонимдүүлүгүн сактап, тиешелүү адистерден бекер жооп алып берип келет. 

Биринчи курс. Университет. Коридордо достор менен сүйлөшүп турганбыз. Аудиторияда кыздар каткырып отурушкан. Бир күлкү көңүлүмдү бурду. Акырын барып карадым. Кимдики болду экен? Мына, дагы күлдү. Бирок, бетин көргөнгө жетише албадым. Агай келип калды.

Бассам-турсам ошол күлкү оюман чыкпайт.

Группалаш кыздар менен деле жакшы тааныша элекпиз. Барып сурайын дейм, тартынам. Анан дагы кантип сурамак элем. “Кыздар күлүп койгулачы” десем, акылынан тайган бирөө деп ойлошот го.

Издеген күлкүмдү үчүнчү курста таптым.

Жаңы жылда үчүнчү курстардын баары чогулуп отуруш жасамай болдук. Студенттерде кайдагы акча. Жатаканадан эле бир бөлмөгө стол даярдадык. Гитара. Бек Борбиевдин ырлары. Бий. Сонун болуп жатты. Кечебиз ортолоп калганда жанагы күлкүнү уктум. Карасам коңшу группадагы Адинай деген кыз экен. Эх, Адинай, Адинай... Сени канча издегенимди билсең кана!

Бийге тарттым. Көздөрү бир укмуш экен. Ичине чөгүп кеттим. Дароо эле баш кошуу сунушун киргиздим. Күлдү. “Ушул күлкүңдү угуш үчүн, өмүр бою сени күлдүрүп өтөм” дедим. Ошентип биздин сүйүү баяныбыз башталды.

Э кудай, ушул кыздын баркына жетсем экен.

Апам катып жүргөн ак жоолугун салды. Жеңелерим сары май оозантышып, чачыла чачышты. Улам эшиктен чуркап келип көшөгөнү карап коем. Келинчегиме суктанып бүтө албай жаттым.

- Апа, көзүмө башкача көрүнүп жатасыз.

- Келиним ак чачымды боеп, кашымды терип берди.

- Апа, көйнөгүңүз укмуш экен.

- Келиним тандап берди.

Атам айткандай, Адинай келин болуп келгенден бери апам ачылып, жашара түштү. Мурун деги эле күзгүгө көрүнчү эмес эле, азыр алдында бир сааттан кем турбайт. Келини экөө бетттерине маска жасап, тырмактарын боеп кобурашып отура беришет. “Келиним мыкты экен, сөз жок”,-деп атам айтып калат. 

Ата-энеме көрсөткөн сыйын көрүп, ушунчалык ыраазы болом.

- Адинай.

- Оу.

- Рахмат сага.

- Эмне үчүн?

- Мени бактылуу кылганың үчүн.

- Анткени, сен бактылуу кылып жатасың.

- Мен сени сүйөм.

- Мен сени сүйөм.

- Жакшы жат.

- Жакшы жат.

Башкы беттеги илюстративдүү сүрөт.

Бул жерден башка кызыктуу макалаларды окусаңыз болот:

Себим келгенден кийин кайын энемдин көңүлү көтөрүлүп мамилеси өзгөрдү

“Бизге тең эмессиң” деп келин кылбай койгон кайын энем тоюмда кызмат кылды

Он бир жыл чогуу жашагандан кийин тизелеп аялымдын колун сурадым

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт