Сатып алган жерибизди кайын эжеме жаздырсак кийин көйгөй жаралбайбы?

2020.10.26, 14:22
676

Жолдошум экөөбүз Москвада иштеп Кыргызстандан жер тилкесин сатып алдык. Бирок кайын атам жердин документтерин Москвада тургандарга өткөргөн болбойт деп, кайын эжемдин атына жаздырып койду. Кыргызстанга кайтып келгенде күйөөмө “подарка” кылып өткөрүп берет, дейт.

Биринчи суроом: жердин документтерин Москвада туруп, өзүбүздүн атыбызга өткөрүп алсак болобу? Эгер болсо кантип?

Экинчи суроом: кайын эжем биз сатып алган жерди күйөөмо белек кылып өткөрүп берсе, менин тиешем болобу же болбойбу?

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
26.10.2020, 14:22

Ширин Алмазова

“Линия защиты” коммдук фондунун адиси, адвокат

Саламатчылык. Ооба, сиз же күйөөңүз Москвада туруп деле бул жака ишеним кат (доверенность) жөнөтсөңүз болот. Ишеним катты алган адам ошол документтин негизинде жер тилкесин сизге же күйөөңүзгө кайра каттатуу боюнча жаңы келишим (переоформление) түзө алат.

Ишеним катты жөнөтүп жатканда, аны менен бирге жубайлардын экинчисинин нотариалдык жактан күбөлөндүрүлгөн макулдугу да керектелет.

Экинчи сурооңузга жооп берсем, жок, мындай учурда сатып алган жер тилкесине сиздин эч кандай тиешеңиз жок болуп калат. Жубайлардын бири белекке алган мүлк анын жеке менчиги болуп саналат жана ажырашкан учурда тең экиге бөлүнүүгө жатпайт.

Сатып алынган мүлк ортодогу мүлк катары эсептелиши үчүн сөзсүз сатып алуу-сатуу келишими аркылуу өтүүгө тийиш.

Өз укугуңузду коргой билиңиз!

Адвокат Ширин Алмазова менен @almazova__s инстаграм аккаунту аркылуу байланышсаңыз болот.

Адвокаттын башка суроолорго жоопторун бул жерден окусаңыз болот:

Мурунку аялым кызым менен жолуктурбайт. Эмне кылышым керек?

Балам мектептен колун сындырып алды, кимде жоопкерчилик? Адвокат жооп берет

Күйөөм мени сабачу, эми милицияга арыз жазсам болобу? Адвокат жооп берет

Кызымды кайын эжеме жаздырууга каршымын. Менсиз өткөрүп албайбы?

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт