АКШ жарандыгын кантип алса болот?

"АКШнын жарандыгын кантип алса болот? Ошол тууралуу маалымат бере аласыздарбы?"-деген окурманыбыздын суроосуна АКШнын жарандык жана иммиграция кызматынан маалымат алынды:

АКШынын жарандыгын төмөнкү жолдор менен алууга болот:

Жашыл карта аркылуу

• 18 жаштан жогору болуу
• Жашыл картаны 5 жылдан кем эмес колдонуу жана 5 жылдан кем эмес АКШда жашоо
• Арыз жазганга чейин 3 ай АКШ аймагында жашоо
• Англис тилинде эркин окуп, жазуу. Сынак тапшыруу үчүн АКШнын тарыхын билүү
• Арыз жазганда АКШда болуу

АКШнын жараны менен баш кошуу аркылуу

• 18 жаштан жогору болуу
• Түгөйүңүз 3 жылдан кем болбогон АКШнын жараны болушу керек
• Жашыл картаны 5 жылдан кем эмес колдонуу жана 5 жылдан кем эмес АКШда жашоо
• Арыз жазганга чейин АКШ жараны менен 3 жыл расмий никеде болуу
• Арыз жазганга чейин 3 ай АКШ аймагында жашоо
• Англис тилинде эркин окуп, жазуу. Сынак тапшыруу үчүн АКШнын тарыхын билүү
• Арыз жазганда АКШда болуу

Аскерде кызмат өтөө аркылуу

• 18 жаштан жогору болуу
• Өз ыктыярыңыз менен АКШнын куралдуу күчтөрүндө эң аз 1 жыл кызмат өтөө
• Арыз жазганга чейин 3 ай АКШ аймагында жашоо
• 5 жыл АКШда жашоо керек
• Англис тилинде эркин окуп, жазуу. Сынак тапшыруу үчүн АКШнын тарыхын билүү
• Арыз жазганда АКШда болуу

Ата-эне аркылуу

Эгерде бала АКШда төрөлбөсө, ага төмөнкү шарттар менен жарандык берилет

• Ата-эне расмий никеде, экөө тең АКШнын жарандары болсо
• Ата-эне расмий никеде, анын бирөөсү АКШ жараны жана 5 жыл туруктуу АКШда жашаса
• Баланын ата-энеси расмий никеде эмес, бирок анын апасы АКШ жараны жана ал 1 жыл туруктуу АКШда жашаса
• Баланын ата-энеси расмий никеде эмес, бирок анын атасы АКШ жараны болсо жана ал 5 жыл туруктуу АКШда жашаса

АКШнын жарандыгын алуу үчүн кененирээк маалыматты АКШнын элчилигине кайрылып алсаңыз болот. Ал жактан толук шарттарын, кандай документтер жана канча акча төлөөнөрү туралуу биле аласыз.