Жигитиме мурункудай сезимим жок, бул тууралуу ага кантип айтсам болот?

2020.05.12, 10:59
536

Саламатсызбы. Силердин кеңешиңизге муктажмын. Бир жигит менен тогуз ай сүйлөшүп жүргөнбүз. Жаңы эле таанышып, жолугушуп баштагандан кийин, бир жума өтпөй үйлөнөбүз деген сөздөрүн айта баштаган.

Ал кезде мен аны сүйүп жүргөм, ошондуктан “ооба” деп койгом. Бирок азыр, такыр сезимдерим калбай калды. Ал мага “эми менден кутула албайсың” деп айтат. Үйүндөгүлөрдүн бардыгы мени тааныйт экен, сүрөтүмду көрсөтүптүр.

Мен аны сүйбөй калганымды кантип айтам? Сезим жок болгондон кийин сүйлөшпөй эле коюш керекпи? Сураныч, кеңеш бергилечи?

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
12.05.2020, 11:00

Асель Баимбетова

Психолог

Саламатчылык. Сезимиңиз жок болсо, каалооңуз жок болсо, кеңеш сураштын канчалык зарылчылыгы бар? Көңүлүг жакпай турабы, мамилени токтоткула.

Ага кантип айтам, деп сурап жатасыз. Болгонун болгондой айтасыз, бирок ал жигиттин мүнөзүн эске алуу керек. Эгер анын агрессивдүү экенин билсеңиз өзүңүздүн коопсуздугуңузду камсыздаңыз. Жолугушууга байкеңиз, эжеңиз же жакын курбуңуз менен бирге барыңыз.

Менден кутула албайсың деп айтып, мамилени күчкө салып улантып жатса, аны менен кыз-жигит болгуңуз келбегени да нормалдуу реакция. Каалооңуз жокпу, макул болбоңуз. Сиздин буга толук акыңыз бар.

Ийгилик!

Психолог Асель Баимбетова менен инстаграмдагы @psihologiya_kg баракчасы аркылуу байланышсаңыз болот.

Башкы беттеги сүрөт интернеттен алынды.

Кыз-жигиттердин мамилелери тууралуу бул жерден окусаңыз болот:

Сүйлөшкөн кызыма жуучу түшсө жигитим бар, деп айтпаптыр. Эмне кылышым керек?

Жигитим быйыл үйлөнөлу деп жатат. А мен арсар болуп жатам

Жигитим үйлөнсөк иштетпейм, өзүм багам деп айтат. Эмне кылышты билбей турам

Сүйөшкөн кызымды өбө элекмин. Эмне кылсам болот? Психологдун кеңеши

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт