Он эки эли ичегимде жара бар экен. Орозо кармасам болобу?
Саламатсызбы! Мен эки жыл рамазан айында орозо кармагам. Ашказаным ооруганынан гастроэнтерологго көрүнсөм, он эки эли ичегимде жара (язва) бар экен. Эми быйыл орозо кармасам болбу? Негизи эле жара менен орозо кармоого болобу?
Кадыр Маликов
Теолог
Эгер орозо кармай алсаңыз жана жара (язва) көйгөй жаратпаса, анда эч кандай тоскоолдук жок. Ал эми дарыгериңиз орозо кармоону сунуштабаса, анда кармабай эле койсоңуз болот, эч кандай күнөө жок. Мисалы, ашказан жарасы бар адам орозо кармап, күндүз ашказаны оорутуп баштаса, ал оозун ачып, орозо кармабай эле койсо болот. Бул жерде жооп дарыгердин айтканына жана ден соолук абалына жараша. Ошол эле учурда, жарасы бар, бирок орозо кармаганда эч кандай оорутуу болбогон учурлар дагы кездешет. Ден соолугуңузга караңыз.
Бул жерден орозо тууралуу маалыматтарды окуй аласыз:
Орозодо эмне кылса болот жана болбойт? Теолог Кадыр Маликов жооп берет
Саарлыкта ооз жаппай калса эмне болот?
Орозо кармагандар үчүн: эмнелерге уруксат берилет жана тыюу салынат