Акыркы күндөрү бат ачууланып, эч нерсени жактырбай калдым. Психологдун кеңеши
Саламатсызбы. Мага силердин жардамыңар керек. 21 жаштамын, студентмин. Акыркы күндөрү бат ачууланып, эч нерсени жактырбай калдым. Бирөө бир нерсе десе эле жиним келе берет. Мындайча айтканда псих болуп баратам. Улана берсе бирөөгө зыян кылып коемунбу деп корком.
Кеңеш бериңизчи, эмне кылышым керек?
Мария Самсонова
психолог
Саламатчылык. Мындай абалга кайдыгер мамиле кылган болбойт. Мунун пайда болушуна психологиялык себептер эле эмес, физикалык көйгөйлөр да себеп болушу мүмкүн.
Гормоналдык дисбаланс, же организмдеги микроэлементтердин дисбалансы, булар да адамдын ачуусун чукул кылып, жөнү жок жинденүүсүнө алып келет.
Психологиялык себептерин аныктоодон мурун физикалык себептердин жок экенин билүү зарыл. Ошондуктан алгач неврологго көрүнүңүз. Эгер бардыгы таза чыкса, андан кийин психологго же психотерапевтке кайрылсаңыз болот.
Ден соолукта болуңуз!
Мария Самсонова менен инстаграмдагы @samsonova.psiholog баракчасы аркылуу байланышсаңыз болот.
Башкы беттеги сүрөт интернеттен алынды.
Бул жактан псхологдун башка кеңештерин окусаңыз болот:
Апамдын каза болушуна атамдын салымы чоң. Кантип аны кечирем?
Жигитим менден 11 жаш улуу. Жаш айрымачылыгыбызкийин көйгөй жаратпайбы?
Эл алдына чыгып сүйлөгөндөн корком. Коркоктугумду кантип калтырам?