Күйөөм экөөбүз уруша кеттик, боюман алдырып Москвага кетип калсамбы?
Саламатсызбы. Жашым 21де. Күйөөм менен катуу урушуп, тил табыша албай койдук. Кош бойлуумун, үч ай болуп калыптыр. Эмне кыларымды билбей кыйналып жатам. Жашоодон кайткым келди.
Телефон чалсам, урушуп өчүрүп салат, жазсам окуйт бирок жооп бербейт. Баланы алдырып, Москвага кетип калсамбы деген да ой пайда болуп жатат. Атасы жок баланы кантип чоңойтмок элем?
Венера Сыдыкова
Психолог
Саламатчылык. Ар бир адамдын жашоосунда оор күндөр болот. Келечектен үмүтүң үзүлүп, мындан жаман болбойт, деп ойлойсуң.
Бирок, чынында андай эмес. Бир канча убакыт өткөндөн кийин, артка кылчайып караганда, азыркы кырдаал анчалык деле кыйын эмес экенин түшүнөсүз.
Сизди түшүнбөгөн, каттарыңызга жооп бербеген адам үчүн жашоо менен кош айтышууну туура көрүп жатасызбы? Ал киши ошого татыктуубу?
Балким, сизди чындап баалаган жана сизге чындап муктаж болгон адамдар жөнүндо ойлонуп көрөсүз? Ата-энеңиз, бир туугандарыңыз, досторуңуз, жүрөгүңүздүн алдында көтөрүп жүргөн кичинекей ымыркайыңыз?
Ар бир бала жаралган соң жашоого укугу бар. Ооба, сиз азыр кыйналып турасыз, бирок мунун бардыгы убактылуу. Жакшылап ойлонуп көрүңүз, азыр чыгарган чечимиңиз үчүн 10 жылдан кийин өкүнүп калбайсызбы?
Башкы беттеги сүрөт иллюстративдүү, интернеттен алынды.
Бирөө балага зар болсо бирөөнө кор экенда Үйлөнгөнүмө 1 жыл болуп калды келинченимдин боюнда боло элек сабыр кылып Кудай буйруса Аллах бизге да насип кылат деген үмүт мн жүрөбүз. Сенин боюман алдырам туура эмес