Бойго бүтүрбөөчү дарыларга толук ишенсе болобу? Гинеколог жооп берет
Саламатсызбы. Менин суроом төмөкүчө: бойго бүтүрбөөчү дарыларга толук ишенсе болобу? Кайсынысын тандаш керек? Кантип колдонуш керек? Дарыканадан өзүм эле сатып алсам болобу же сөзсүз докурдун уруксатын алышым керекпи?
Светлана Коздрович
Гинеколог-эндокринолог
Саламатчылык. Ооба, бойго бүтүрбөөчү дарыларга ишенсе болот. Болгону төмөнкү нерселерди эске алуу керек.
Препараттарды өз алдынча дарыканадан сатып алган кооптуу. Анткени анын каршы көрсөтмөлөрү да бар.
Гинекологго көрүнүп, анализ тапшыргандан кийин, ал сиздин организмдин жана ден соолугуңуздун абалын эске алып, ошого ылайыктуу контрацепция ыкмасын тандап берет. Айкалышкан оралдык контрацептив (КОК комбинированный оральный контрацептив) бүгүнкү күндө бардык заманбап ыкмалардын ичинен эң ишенимдүү жана күтүүсүз кош бойлуулуктан коргонууда пайыздык чени жогору.
Ошондой эле мындай дарылардын кошумча “плюстары” да бар. Мисалы, жыныстык жашоо менен жашаган кыз-келиндердин ден соолугун чыңдап, иммунитетин көтөрүүгө салымын кошот.
Контрацептивдик препараттарды адатта этек киринин биринчи күнүнөн тартып иче башташат. Андан кийин күндө белгиленген схемага ылайык ичип туруу керек.
Ден соолугуңузга жоопкерчиликтүү мамиле кылыңыз!