Жакын курбума вагинизм деген диагноз коюшуптур. Андан айыкса болобу?
Саламатсызбы. Вагинизм оорусунан айыкса болобу? Жакын курбума ушундай диагноз коюшуптур. Ыйлап жатат, эми күйөөм менен ажырашамбы деп. Андан айыкса болобу?
Наталья Ивахник
Сексолог, психотерапевт
Саламатчылык.
Вагинизм – бул сексуалдык жашоодогу психологиялык кыйынчылыктар, жыныстык катнаш учурундагы оорутуу жана жамбаш сөөк булчуңдарынын карышып калышы. Булчуңдардын жыйрылып кайра жазылуусун аял киши контролдой албайт. Натыйжасында, жуптардын кошулуусу мүмкүн болбой калат.
Вагинизмге психологиялык травмалар себеп болушу мүмкүн. Мисалы: физикалык, эмоционалдык же сексуалдык зордук зомбулук. Же катуу тарбия алуусу. Мисалы кызга кенедей кезинен эркектердин бардыгы жаман, душман катары көрсөтүлүп, аны менен жакындыкка баруу бул күнөө, кылмыш – деп үйрөтүлгөн.
Ошондой эле, жыныстык өнөктөшүнүн орой мамилеси, же болбосо биринчи жолку кошулуусунун ийгиликсиз болушу да аялдын аң сезимине терс таасирин тийгизет.
Вагинизм менен кантип күрөшүү керек?
- Өзүңүздүн мырзага, жыныстык өнөктөшүңүзгө ишеним артууга үйрөнүңүз.
- Секске болгон негативдүү көз карашты өзгөртүүгө аракет кылыңыз.
- Кегель көнүгүүлөрүн жасаңыз.
- Сексологго кайрылып, консультация алыңыз.
Ийгилик!
Сексолог Наталья Ивахник менен инстаграмдагы @pro0kosmos баракчасы аркылуу байланышсаңыз болот.
Башкы беттеги сүрөт интернеттен алынды.
Кегель көнүгүүлөрү жөнүндө бул жактан окусаңыз болот:
Жыныс кынын кууш кылып, оргазм алууга жардам берген 5 Кегель көнүгүүсү
Кегель көнүгүүлөр 40% эркектердин эрекциясын нормага келтирет. 6 көнугүү