Алты жылдын алиментин төлөтсө болобу? Юрист кеңеш берет
Саламатсызбы! Ажырашып кеткем, бир кызым бар. Алимент төлөткөн эмесмин. Эми алимент төлөсө 6 жылдан беркини төлөйбү?
Кызымдын фамилиясын өзүмдүн фамилияма котортсом болобу? Эмне документтер керек? Кайда кайрылам?
Нурислам Раимжанов
"Справедливость" укук коргоо уюмунун юристи
Саламатсызбы!
Алимент өндүрүү боюнча сиз арыз же доо арыз менен сотко кайрылсаңыз болот. Бул эки арыздын айрымачылыктары бар.
Эгерде сиз алимент өндүрүү боюнча арыз менен кайрылсаңыз анда эч кандай соттук териштирүү болбойт жана арызыңыздын негизинде сиз сотко кайрылган күнүңүздөн тартып алимент өндүрүүсү жөнүндө соттук буйрук чыгат (үч күндүн ичинде).
Кызыңыздын фамилиясын өзгөртүүгө жолдошуңуздун макулдугу керек болот.
Ал эми, сотко доо арыз менен кайрылсаңыз, сиздин жана балаңыздын атасынын катышуусу менен соттук кароо болот. (Эки айга чейин созулушу мүмкүн.) Доо арызда сиз акырки үч жылга алимент төөлөсү боюнча маселени койо аласыз, анткени доо арыздын жалпы мөөнөтү үч жыл. Доо арызыңызда ошол жылдары жолдошуңуз алимент төлөгөн эместигин далилдеп беришиңиз керек болот.